طريقتك.( باللقيمات. الشيرة .خلطة

والله ياوخيتي انا عايلتي زيك 😬واللقيمات زوجي يحبها رطببببه ونا مااضبطها اتمنى الاخوات يفيدونا

الشيره /كل كاستين سكر كاسه ماء يعني السكر ضعف الماء لين مايذوب السكر وتثقل شوي قبل تطفين عنها اعصري عليها شوي ليمون لاتكثرين عشان ماتطلع حامضه نقط بسيطه وبس طفي النار حخليها تفتر وعبيها بعلب قزاز واحفضيها بالثلاجه 
اللقيمات/ مالها طريقه معين بالنضر طحين +خميرة+رشه ملح +ماء  العجينه عشان تكون رطبه خليها قوامها يصير شبه سائل  مدري كيف اشرحها ماتكون عجينتهأ ثقيله لو وانا جربتها بالزبادي هششه حيل  بس لاتكثرين من الزبادي عشان ماتصير حامضه تقريبا كوبين طحين +نص او اقل شوي علبه زبادي 
القهوة /استخدم خلطه القصيم اذأ ماكان عندي زعفران 
البهارات/ ماستغني عن الكاري الي في العلبه الخضراء وكمون مطحون وقرفه ولومي وفلفل اسود
الفطائر/ عجينه العشر دقايق معتمدتها من زمان ويفضل استخدام الدقيق الكويتي عشان طلع هشه 

مشكورة سراب طيب مقدار اللقيمات تكفي شخصين 
ﻻن ابي مقدار بسيط لقيمات

شكرا لك

العجينة متنوعة مرات عجينة العشر دقايق مرات عجينة اسطورة الليلك ومرات انا اسوي عجينة من عندي اهم شيء تنعجن بلبن او حليب او زبادي عشان تصير طرية زي القطن
اللقيمات بعد فشل ضبطتها جربت هذي الطريقة اخذتها من المنتدى بس نسيت صاحبتها جزاها الله خير طبعا انا حافظتها بملف وورد عشان كذا نسختها
1كوب دقيق & واحد ونصف ملعقه كبيره حليب باودر
ملعقه كبيره كاسترد او نشأ(انا وضعت نشأ)لكن الكسترد يعطيها لون رائع
1 ملعقه صغيره سكر & اقل من الملعقه الكبيره بشوي
(خميره فورية)& ذرة ملح& 1 كاس ماء دافئ
اخلطيها مع بعض واعجنيها (اعجني واعجني )
لمدة 5-10 دقائق
تلقمينها في زيت غزير وحار
وعلى نار هادئه مع التقليب المستمر
بعدين ممكن تستعملي شيرة بس انا احب احط عليها عسل اطعم
القهوة انا عادية بن وهيل وقرنفل احبها كذا وسط