طريقتك في المخللات

شوفي هذي الطريقه مره لذيذه قطعي الخيار والجزر طوليا وزهره اذا تبغين وفلفل اخضر حار بدون تقطيع
جيبي البرطمان ناااشف مره وحطي فيه فنجان ملح ملعقه سكر ملعقه كركم ملعقه حبه سودا كمون حبوب خمس فصوص ثوم غير مقطع
جيبي كاسة شاي خل وذوبيها على المقادير السابقه ورصي الخضار ولا تعبي مويا على الاخير عشان نكبس ا لخضا زين وماتطرطش السوائل يكفي اعلى من النص بشوي واذا كبستي الخضار وشفتيه يحتاج زودي مويا وخل وذوقي المقدار
بعد ماتخلصي على الاخير رشي زيت زيتون وقفلي القاروره زين واقلبيها فوق تحت كم مره
اتركيها اسبوع برا الثلاجه بعدين استعمليها بالعافيه هذي طريقتي من سنين

واذا تبغي هندي جيبي فاصوليا خضرا وجزر طوليصغير وزهره اسلقيها بملح زين وصفيها مره جيبي فلفل اسود وكمون وحبه سودا غير مطحونين حمصيهاشويه بس ....
جيبي مخلل منقا هندي وخذي من الصلصه حقته وليمون مخلل وافرميه صغير وخلو مويا حسب الميه اللي عندك واخلطيها على المقادير الاولى ورشي عليها زيت وقلبيها ولو تحبي الحار ضيفي فلفل احمر مطحون او اخضر مفروم على الخليط واتركيه تبرد بعدين استخدميها فيه ناس تحبها بس جزر ومنقا وليمون وتوابل واي شي ثاني اختياري والهندي يكون ثقيل مافي سوائل مجرد مرقه ثقيله حقة الخضار وبالعافيه

خيتو اسعد الله قلبك برضاه اولاً


انا اسوي الطرشي بالبرطمان اذا عبيتها خيار وجزر وقرنبيط احط نص او اكثر من النص بشوي ماء و علبه خل ابيض و شوي ملح خشن وزيت زيتون بياله تقريباً ( طبعاً البرطمان تبعي كبير جداً)

واحط معاهم شرايح ليمون و كن فص ثوم

والمده ياختي الغاليه انا احسبها ع حسب تغير لون الخيار طبعا من بعد اليوم الثالث او الرابع ابدا اذوق لين احس انه الحين صار جاهز للاكل ،،

هذه طريقتي انا وان شا الله غيري يفيدك بعد

اسال الله ان يوفقك لما يحب ويرضى

ودي

انتي بتسالي عن حموضة الليمون

اسلقيه بماء ساخن وغيري المويه كم مره وانتي بتسلقي عشان ترووح المرارهـ

رفع

أشكر الأخوات على تفاعلهم معي ومساعدتي