شوفي المدينة اللي زوجي فيها عادتهم غريبة حتى لو الجلسة كنبات وقت القهوة له طقوسه وهي تمدين السفرة بالأرض وتحطين كل شي عليها ويتجمعون الحريم اتصبين كانك آله وحده تقول ماشرب قهوه صبي شاي والثانية ما توقف من القهوة تخذ يدي وانا اصب لها .
بس الحين تغيروا إذا الجلسة عربية نسوي هالحركة إذا كنب لا والله تلاحقين ذي قهوه وذي شاي ولا زم مراقبة للي تخلص ركض صبي لها لاتقول امحق مضيفة حوسة الله يعيني .

المدينة اللي اهلي فيها جيبي القهوه وتوابعها من تمر وزبيب وحلو إذا متوفر وإذا خلصوا جيبي الشاهي مكبوس بالسكر والحبق وبراد صغير بدون سكر لهل السكر وبراد قشر بدون سكر والسكرية معها والمتوفر من بسكوت او فطاير <<<< طبعا الحركة هذي إذا ضيوف بدون عزيمة مثل جارات امي معارف بالصدفه مارين وحبوا يسلموا، وحده قاعده باول المجلس والثانية بزاوية وانا مراكض شمال يمين اصب تقولين مقهوي<<<<< يهون عشان امويمتي .
البخور كنا نحطه في الختام بس الناس ماترضى الحين قمنا نبخرهم اول مايجلسوا عشان لاحد يشمهم وهم طالعين،وبعدين نبدا بالقهوه.

أما إذا عزيمة قهوة نصب القهوه وتمر بس وبعدين تقلطينهم على السفرة بغرفة ثانية من امس نجهز بها (الترتيب مو الأكل) فطاير ورق عنب مكرونة بشاميل معجنات سمبوسة بانواعها حلويات صواني( خبز تنور عريكة أو مبثوث أو تصابيع)اكلات شعبية ـ البعض يحط مكسرات ويجيب الشاي لأن يفضلون الحريم القعده على السفرة ،وممكن لا الشاي بعد مايقومون احيانا نسال احد يحب يشرب الشاي الحين؟؟

بالنسبه لى على حسب الضيوف اذا كانو الجيران اغلب الاوقات نقدم عصير ثم نكون جهزنا السفره المكونه من القهوه والشاي والاشياء التى احضروها على حسب اتفاقنا التى تكون عندها الجمعه بس عليها الاستقبال وصنع طبق واحد
اما الاقارب انتظر حتي يتجمعون واحضر القهوه مع انواع الحلا والتمريه لااننا مثل الاهل وكلنا فى سن واحد وممكن هم يحضرون كل شي ثم بعد القهوه العشاء المحضر فى المنزل المكون من ((كبسه وونوعين من السلطات و معرق)) واذا فيه اغراب نضع ورق عنب وصينيه مكرونه او صينيه خضار بالبشمل ثم بعدها الحلووووووووووووووو وبالهناء والعافيه

انا انصح العصير الاول بعدين القهوه بملحاقاتها وتكون في سلة وحده عدة طبقات ( واذاهناك ضيوف كثير ضعي اكثر من سلة ) وبكذا تقللين من عدد الصحون

طريقتي اذا اول مره اقدم عصير ثمن قهوه وحلى ثمن حلى وتمر

ثمن شاهي ونعناع مع المعجنات اذا هي جايتني عشاءاحط مع

الشاهي مكسرات بس اذا جايتني قهوه او على قولتنا قهوة تعارف

احط معجنات جاراتي امون عليهم وعزايمنا دايم قهوه احط حلى

وتمر وقهوه وحلى من البيت والشاهي بعده معه معجنات ولاكيك

بعد من البيت وحتى اذا ماسويت حلى حط معمول عادي يعني

صديقاتي اول مره جوني صدق تكلفت مره بقهوتي حطيت كبه

وورق عنب ومعجنات بس بعد كاذا صرت احط قهوه وحلى شغل بيت

وتمر وشاهي ومعجنات واذا دوريتنا نحط سفره ونبسط باالأرض يعني

البساط احمدي ترتيبي عصير اقدم الحلى اول ثمن القهوه ثمن المعجات

وصب الشاهي والنعناع واحيانا اوزع سكر مغلف ومرتبته في السكريه

ولا سله صغيره بشكل حلو واحط انواع السكر العادي وللرجيم وعشان

ماامر على المطبخ كل شوي اجهز الترامس او الزمازم من بدري

وعبيها وكون جهزة الصاله لستقبال الضيوف اجهز صينيه احط فيها

البيالات والفناجيل واجهز السكر وحطهم فوق طاولة الصاله ويكون

الطقم المخصص لضيوف وفي المطبخ اكون مجهزه سلة الحلى في

الثلاجه ومجهزه صحون المعجنات والمعجنات في صحن في المكرويف

عشان احميه واصفه في صحون ويصير كل شي مرتب ومافيه فوضى

والمطبخ يصير نظيف لو ومرتب لو طبت عليك وحده من الضيوف تبي

تساعدك واذا خلصو القهوه علطول ارفع الفناجيل واغسلها قبل لا

اجهز للشاهي وبسسسسسسسس