طريقتى فى تعليم إبنتى كلمات اللغه الانجليزيه

بسم الله الرحمن الرحيم إ
ليكم طريقتى فى تعليم إبنتى كلمات اللغه الانجليزيه المطلوبه منها فى المدرسه لتساعدها على السرعه فى الحفظ وعدم الاحساس بالتعب.

أقوم أولاً بالمذاكره لها جميع المواد التى أخذتها وأجعل الكلمات الانجليزيه فى النهايه ونقوم بقرأتها
وبعد أنهى المذاكره وأبدأ معها باللعب

أقوم باالإستعانه بجميع الكلمات التى أخذتها وأضعها فى جمل مرتبه لغه عربيه على لغه انجليزيه وأقوم بتلحينها لحن بسيط لتصبح مثل النشيد مثلا:

القطه يعنى كات والسمكه يعنى فش والقطر اهو عدى وفات حاسب أوعى من الغش
شباك يعنى وندو والباب يعنى دوور يالا نلعب يا جدو وانت اللى عليك الدور
بالونه يعنى بالون وكره يعنى بول بحبك يا حنين جمالك مش معقول
حتى لما بتقولى كفايه وتنشغل بلعبه تانيه بمسك اختها الصغيره أو وأنا برتب الغرفه بغنيها لوحدى من غير ما تردد ورايا بلاقيها وهى مشغوله بلعبتها تغنيها من غير ما تحس بس أهم حاجه اللحن يكون بسيط قريب للشعر حتى لا نعود أذنهم على الأغانى تكون مثل الأناشيد البسيطه

وكل يوم أخذ الكلمات الجديده وأحفظهالها بهذه الطريقه والحمد لله نفعتها والمدرسه تشكرلى فيها كتير
هذه تجربتى أتمنى أنها تنال إعجابكم