طريقتى فى تفكيك اوراق الملفوف كل واحدة على حدة بسهولة

كنت قريت مرة ان عضوة من العضوات بتحط الملفوف فى الميكروويف لتسهيل فكة عن بعض لكن انا معنديش وفى كتير معندهومش وبعمل كدة اولا بقور الجزء اللى فى الوسط قدر الامكان ويكون ماء السلق جاهز ماشى لكن اهم حاجة ان تكون الحلة كبيرة نسبة الماء تتناسب مع حجم الملفوفة لانك حتسقطيها فى الحلة على الجزء العلوى اللى انتى قورتية بسكين كبيرة وانا بقول الحلة ونسبة المية علشان لما تحطى الملفوفة حتزيد المية وممكن تندلق على البوتوجاز او تحرقك يعنى من الاول خدى باللك تحطيها ثوانى وتقلبيها على الناحية التانية وتستخدمى السكين الكبيرة وشوكة ثوانى وتبتدى تفككى بالشوكة الورق من عند مكان ما قورتى تهزى الورق من البداية تلاقية يطلع بسهولة وبعدين تغرسى السكين فى مكان ما قورت وبمساعدة الشوكة تطلعيها على صينية وانتى طبعا طلعتى كمية من الورق فى ماء السلق شوية وتطلعية يكون دبل عادى زى ما بتسلقى الملفوف وتهزى اوراق الملفوفة اذا ما طلعش بسهولة ترجعيها تانى لماء السلق وتتاكدى ان الاوراق مش ملتصقة بالوسط يعنى تقوريها لو كانت ملتصقة وهكذا تطلعى كمية فى الماء وترجعى الملفوفة وكل ورقة حتطلع بسهولة بدون ما تتكسر والسبب انها بقت طرية ولينة مرنة معاكى ممكن تحسى ان الطريقة صعبة لكنها اسهل بكتير من انك تحاولى تقطعى ويتقطع الورق ويتبهدل منك وخصوصا ان الملفوف فى السعودية متلاصق بدرجة كبيرة وحجمة اصغر من عندنا فى مصر ودى هى طريقى اللى متعودة اعملها مع الملفوف وحبيت اشاركم بيها لانى لقيت كتير من الجيران والستات بيشتكوا من الموضوع دة يا ريت تعجبكم