السلام عليكم ورحمة الله وبركاته
كلنا طبعا عارفين اد ايه الاطفال بيحبوا البسكويت واولادى كل يوم يشتروا بسكويت ممكن اربع خمس مرات فى اليوم فقررت اوقف حرب الاستنزاف المادى دى واعملهم بسكويت فى البيت وانا وحظى ... ولكن حظى طلع حلو جدا البسكويت اللى عملته نجح بشدة وعجب زوجى اكتر ما عجب الاولاد كمان وكانوا فرحنين اوى لانى خليتهم يقطعوا البسكويت بالقطاعات بنفسهم وعشان كدا قررت انى اشارك اخواتى الحبيبات فى المنتدى طريقتى لعمل البسكويت وهى سهلة جدا
ندخل فى الموضوع اولاً
المقادير :
1 بيضة
1.1/2 كوب دقيق
1/2 كوب سكر ناعم ( بودرة )
4 ملعقة طعام سمنة لينة
1 كيس فانيليا
1 ملعقة صغيرة بيكنج بودر
الطريقة :
اخلطى السمن والسكر والبيضة والفانيليا جيدا
اخلطى البودر مع الدقيق وانخليهم
اضيفى الدقيق الى الخليط الاول
واعجنى بيدك حتى تتكون عجينة ملساء ( مش بتلزق فى الايد )
ضعى العجين فى كيس نايلون فى التلاجة لمدة ساعة
افردى العجين فوق سطح املس مرشوش بالدقيق حتى يكون سمك العجين واحد سم
قطعى العجين بقطاعات اشكال ( لو مش عندك قطعيه بكوباية صغيرة )
رصى البسكويت فى صينية مرفرود بها ورق الذبدة
وضعيه فى فرن يكون شغال قبل بخمس دقايق وعلى درجة حرارة متوسطة لمدة 10 دقايق او حتى يحمر
إضافة ممكن ترشى على وش البسكويت قبل ما ترصيه فى الصينية سكر خشن او فارماسيال ( الكسر الصغير الملون اللى بيزينوا بيه التورتة )
وبالف هنا وشفا
rana.m @ranam_2
عضوة
يلزم عليك تسجيل الدخول أولًا لكتابة تعليق.
الصفحة الأخيرة
تسلم يدك ياقمر