طريقتى مع شعري..ارجوا النصيحه

سلام شلونكم بنات شخباركم
انا قصتى مع شعري قصصه ولا بالافلام :)
بيوم من الايام اشتريت حنه سوده من العطار
انا دايم احني شعري بالحنا السوده لانى ابيه يصير اسووووود سواد الليل
اول ما اشتريت الحنه مدحها لى الريال راعي المحل ومدح ومدح ومدح انا قلت خل اسكته عور راسي واشتريت الحنه السوده
الله وكيلكم حطيتها على شعري ساعه بس ساعه
واحس شعري يحرقنى ويحك قلت شسالفه شصاير خل اروح اغسله خل اشوف شصاير المهم غسلته
وطلعت من الحمام عينكم ما تشوف الا النور
انشفه بالمنشفه ياربي هذا مو شعري هذا ليف مواعين
صار يخررررع ودقيقه وحده ونشششف وصار مثل اللى مفجره فيه قنبله
حاولت اسويه بالاستشوار مااااكووو الفرشه ماتتحرك بالشعر الا بالغصب مع ان شعري ناعم وش اللى قلبه جذي
وارجع اتسبح واحط له كميه مكثفه حمام زيت شوي تعدل
المهم ظليت اسبوع كل يوم احط له حمام زيت الى ان رجع على طبيعته شوي
ولكن هيهاااات
بعد هالاسبوع يا بنات شعري قام يطيح
بالخصل يا بنات اااااااه كانت ايام عصيبه والله بس احط ايدي بشعري واطلعها لازم القى جم شعره طايحه
المهم شعري كان كثيف الحين صار خفيييييف وحالته :( ماتسر
من فتره استعملت خلطه زيوت وقفت التساقط بعد ما قلت خلالالالالالاص ماكو امل انا راح اصير قرعه :(
وقفته بشكل سريع
والخلطه اهى زيت الصبار وزيت الجرجير وزيت الثوم
استعملتها من اقل من شهر يعنى من تاريخ 19/9/2002
ووقف التساقط بس بنات لى الحين شعري خفيف
:(
شسوي استمر على الخلطه ولا اوقف
وتره شهرين عندنا عرس وودي شعري يطلع حلو وكثيف:(