.طريقتين حلى , ماتطلع ضيفتك الا وهي كاتبه الطريقة !!!!!!!

الحلى الاول:
شكله عند التقديم ياخذ العقل ..
1-تحمسين كوب ونص حليب بودرة ,لمايصير اشقر على بني فاتح...
2-سقي بسكوت شاي احسن نوع (اولكر) بحليب ورصيه في صينية طبقتين طبعا , وممكن طبقة كله لذيذ..
3-اخلطي الحليب المحموس +اصبع زبدة +علبة نستلة الوسط وزنها (397غرام) ,وبقي منها شوي ..وبعدين حطيه فوق البسكوت اذا كان موسائل مره بللي يدك شوي ,وساويه زين او بالملعقة براحتك ...
4-جيبي حلاوة اولكر الحمراء (ماغيرها اللي بريال ,وتلاقينها بكل البقالات ويحبونها الاطفال كثير ,اللي تجي علبة فيها قطع شوكولاته مربعة ومجوفة من الداخل ..)صفي الحبات فوق الخليط اللي في الصينية..
5-املئي الفراغات حقت الحلاوة بحليب نستله مركز لكن انتبهي بطريقة مرتبة يعني حطي بشويش وبملعقة صغيرة علشان مايتناثر الحليب ويخرب شكل الحلى كله..رشي فوقه (يعني فوق حليب النستله )القليل من النسكافيه ...
وبعدين حطيه بالثلاجة لين يبرد ,يعني ممكن تسوينه بدري من اول اليوم ....وبالعافية
ملاحظه:
وسط حبات قطع الشوكولاتة ,ممكن تحطين فيها بدل الحليب المركز ,اي نوع صوص موجود عندك ,فراولة , او الصوص الابيض ..المهم اي نوع من الانواع المخصصة للحلويات..
طريقة التقديم:
اماتقطعينه حبة حبة من قطع الشوكولا طبعا مع الطبقة اللي تحت ,وتحطينه بصحون تارت الورقية (البيليسيه)..
او تقدمينه لكل شخص صحن بحيث توزعين حوليه شرائح لوز ضروري ,يعطي معاه شكل روعه..

****************************************************************************
الحلى الثاني :
المقادير..
(3بيضات +ملعقة كبيرة بس مو مليانة ب ب +نصف كاس سكر مطحون +فانيلا +علبة قشطة+ربع كاس زيت ) كاس حليب بودرة محموس مع ملعقة ب ب صغيرة ,بسكوت شاي ,8 حبات جبن كيري..علبة حليب نستلة المركز..
الطريقة:
ضعي مابين القوسين في الخلاط ,ثم اضيفي اليه الحليب المحموس ويخلط مرة اخرى ...
يوضع نصف الخليط في صينية بايركس وسط او كبيرة شوي ..
ثم يصف فوقه البسكوت (بعد تسقيته بالحليب قليلا ) ثم يصب نصف الخليط الاخرعليه...
تدخل الصينية الفرن حتى يستوي (انا اتركه في الفرن الكهربائي مدة ساعة الاربع على درجة حرارة 350)....
في الخلاط :ضعي حبات الكيري +الحليب المركز...
اخرجي الصينية من الفرن عندما تستوي وضعي عليها خليط الجبن ثم اعيديه مرة اخرى للفرن مع تشغيله من اعلى ,لكي تجمد طبقة الحليب مع الجبن ...(لكن انتبهي لانها تتحمر بسرعة ,تابعيها علشان ماتحترق )
بعدين خليها تبرد شوي ,وحطيها في الثلاجة..


:03:

يم يم يم

راح تدعون لي


باااااااااااااااي