ازيكو ياحلوين
انا اليوم مسويه بروست مره طريقته سهله ومستوي على الاخر في الزيت ماشاء الله
الطريقة اخذتها من واحده هنا في المنتدى بس ماعرف ايش اسمها بس اعجبتني طريقتها فبسرعه كتبتها في ورقه وطبقتها وطلعت ماشاء الله حلو
عندي طريقة ثانيه على طريقة عضوه هنا اسمها هدوبه وكنت معتمدتها عندي بس جربت الطريقة هاذي وصارت مره ناجحه معايه وتستوي في الزيت بدون ماسلقها
وهاذي شكلها
واقولكم كيف سويتها بسم الله
اول شي قطعت الدجاج ثمان اقسام وغسلتها ونظفتها مزبوط
2-حطيت عليها مويه عاديه من الحنفيه وحطيت عليها ملح وحركته الين ذاب الملح
الملح هو سر طعم البروست وبعدين احطه في الفريزر بمويته لمده نصف ساعه
3-بعدين اخلط الدقيق مع البقسماط في كيس علشان يسهل علينا تغليف قطع الدجاج والافضل يكون كمية الدقيق اكثر من كمية البقسماط
4- اخلطي كميه من اللبن مع البيض انا حطيت نص كوب لبن اي لبن واللبن هنا قصدي اللبن العادي مو الحليب مع حبتين بيض وفلفل اسود مطحون وشويه ملح بس لاتكثرين لان الدجاج مملح
5-وهاذي شكل الحلوين منتصين مع بعض علشان التصوير وعلشان اغلف الدجاج فيهم هههههه
6-بعدين اخذ قطع الدجاج حبه حبه اول شي اخذ قطعه واحده واحطها في خليط اللبن والبيض وبعدين احطها في كيس الدقيق والبقسماط واغلفهم بواسطه قفل الكيس بايدي وارج الكيس علشان تتغلف القطعه واكرر الخطوه مع باقي قطع الدجاج
7-وهاذي شكل الدجاج بعد التغليف
8-وبعدين احط زيت وفير في المقلا واحط عليه كم حبه من فصوص الثوم بعد التقشير واشوية اعشاب من كل من كزبره وبقدونس وجرجير لتنكيه الزيت
وبعدين احطه على نار اقل من متوسطة الا حد مايسخن
9- وبعدين اشيل الاعشاب والثوم من الزيت و بعدين احط كمية من قطع الدجاج على دفعات علشان تنقلي مزبوط وتنجح من داخل لان اذا حطيتي كميه كبيره تنخفظ درجه حراره الزيت ومايعطيك القرمشه من برى اللي احنا نبغاها
وهاذي صوره ثانيه للحلوين في الصحن مقرمشة من برى وطريه وناجحه من داخل
واللي تستفيد من مواضيعي مابغى منها الى دعوة بان الله يصلح احوالي يارب :heart:
والله يصلح لك أحوالك ويطمئن بالك