ماعمري كتبت موضوع بقسم التجارب كل مواضيعي بالاسرية هالمره قلت ياحرمه يا ام السنع يالله تشطري وفيدي مثل ما استفدتي
المهم الموضوع يا اخوات في بيتي دايم نصلح ترمسين شاي واحد للعيال ونقدم معه شابوره او بسكوت منوع حسب رغبتهم وخاصة فترة العصر والحلوين يعزمون اعيال الجيران ويخلص الترمس على طول لكن الترمس الثاني محد يشربه والسبب ان البنات يذاكرون او يردون على زميلاتهم بالتلفون والا مشغولين بامور دراستهم المهم هالترمس دابلن كبدي ان صلحناه محد شربه واان ماصلحناه صارة سالفة
المهم ياطويلات العمر اروح افرفر بالسوق كذا بس فاضية وادخل محل اواني منزلية واروح لقسم العلب
والقى ذاك الطقم طقم علب قهوه وشاي زجاجي قاعدته خشبية بني غامق وغطاه خشبي بني غامق وهو على شكل برطمان من تحت ضيق ويتسع للاعلى فهمتوا المهم عجبني بالحيل وجت في بالي فكره جهنميه واروح لقسم الصياني واشتري صينية خشبيه واسعه
انا راح انزل لكم صورة برطمان بس مو مثل اللي شريت لاني ما اعرف انزل صور لو اجلس معهن لبكره بس حبيت اقرب لكم الفكره طبعا البرطمان مثل هذا تقريبا بس مثل ماقلت لكم الغطا والقاعده خشبي بني غامق والزجاج ساده
والصينيه الخشبية مثل هذي
المهم هم اربع علب مسكت الكبيره وحطيت فيها ظروف كبتشينوا والثانيه ليبتون شاي والثالثه مربعات سكر والرابعه ملاعق شفافه بلاستيكية صغيره حقت الحلى وصفيتهم بالصينية الخشب وقلت للشغالة خلاص ترمس واحد شاي للاولاد والبنات ترمس واحد عبيه مويه مغليه حاره بدون سكر واضفت للصينية اكواب ورق وحطيناه بمجلسنا اللي يبي ياخذ يعني هالحين نسوي ترمس للقهوه ونحطة بصينيه مع الفناجيل والتمر والصينية الجديه بجنبها