كيف حبيباتي الحلوين
طبعا انا قبل فترة نزلت موضوع فيه صور تسريحتي ومكياجي والكل استغرب من اني كيف احفظ اغراضي واوصلها بسرعه
وفي بنات دلوني في الخاص على اماكن تبيع ادراج ومن دي الامور وانا من زمان كنت ادور وكل الاماكن اللي دلوني عليها كنت دورت فيها ومالقيت وحلمي الاقي شي فيه ادراج عشان احطها فيها مع اني مااتمتع ولا ارتاح نفسيا الا اشوف المكياج مرصص قدامي واعرف اي شي يختفي او يتغير اميزه
بس قلت لنفسي جيك بيبي باذن الله لازم ترفعي اغراضك عشان لمن يمشي مايبهدلها
لاحظوا اني بافكر فيه وهوا يمشي وهوا لسه في بطني حتى ماجا ههههههههههههههههههههههه
عموما انا قلت لنفسي بعد فترة ماحيكون عندي وقت اجلس امسح الغبار عنها قطعه قطعه زي دحين خليني المها احسن
وعلى فكره لاتحسبوني اتعب من المسح متعتي احط مكياجي قدامي وامسح فيه قلم قلم وعلبه علبه
وكمان احتجت اوسع مكان في تسريحتي لاني راح احط عطور زوجي معايا بعد ماكان مطرود منها لاني حاخرج الطاوله اللي عليها عطوره بره واوسع مكان للسرير
مره طولت القصه هههههههههههههههههههههههه
المهم
قبل فترة جاني بروشور دعايات لمكتبه جرير ولقيت حلمي الوردي
الادراج اللي باحلم فيها طبعا هما عارضينها للسيديهات والدبابيس واغراض المكاتب بس لازم الواحد يشغل الابداع شويه
واخذت من كل شكل حبه
احلى وحده الورديه الكبيره شالت بلاوي الشدوهات كلها والعدسات والارواج والقلوسات والماسكرات والايلانرات يعني مره تشيل
وسعرها 75 وهذي وصرتها
واشتريت من شكل ثاني للبلاشرات وحده ب35 وحده ب19
وهذا شكلهم جنب بعض
طبعا انا توي جبتها ورصيت الاغراض فيها لسه مارتبتها بشكل نهائي يعني ممكن اغير في ترتيبها احط اطول شي عالطرق والوردي في النص او اخلي الازرق جنب بعض ولسه ناويه اجيب من الادراج اللي فوق بعض الزرقا وحده او اثنين للاكسسوارات
ونفسي اشتري من الاولى الورديه وحده ثانيه احتياط للاضافات ههههههههههههه وفي منها لون اخضر
دحين تعجبكم الفكره وتخلصولي هيا هههههههههههههههههههههههههههه
هذا الشكل جنب بعض
بالنشبة للعطور كان عندي علبه مجموعه التوت من بودي شوب الكبيره وكنت حاطه فيها المكياج بس بعد مارتبته بدي الطريقه الروعه قلت خليني اجمع العطور كلها سوا والمها منها الماسحه تصغر ومنها الشكل ارتب
اتمنى تكون عجبتكم الافكار وعجبكم الموضوع
