طريقتي الجديده لتغذية البشره

السلام عليكم يا عالم حواء

اولاً انا ما احب اكتب مواضيع لمجرد الكتابه لأنه في نظري يا اني اكتب شئ مفيد و جديد على المنتدى يا أقصر وجودي على مساعدة الغير ...و لأني وجدت أن كل الي أعرفه و اسويه موجود في المنتدى و غير اني تعلمت اشياء ما اعرفها و استفدت اكثر من المنتدى الله يجزاكم خير جميع ...
أدخل في الموضوع..انا من كثر خلطاتي و حوساتي بعمري صرت احاول اني اجمع المواد المفيده و الي استفدت منها شخصيا و أحاول أني اعمل تجارب جديده و من هالتجارب:
1- إستخدمت شراب فيتامين ميكسافيت Mixavet + زيت فيتامين E من الـ GNC +قطره من زيت الحلبه و حطيتها على وجهي و قعدت اعمل مساج لوجهي لمدة تقريبا خمس دقايق و بعدين تركتها لمدة ساعة و غسلتها ..انا ما احب ابالغ بس حسيت بنظافة كأني عملت فيشيل حتى الزيوان يختفي..و طبعا انا حطيت زيت الحلبه لأني قرأت عنه أنه يشد و ينفخ الخدود و ممكن احط زيت اللوز المر للتفتيح...

2- تذكرت دكتور من زمان و انا صغيره قالي اذا غسلتي وجهك افركي وجهك بشويش بالليفه مع صابون الوجه تبعك يعمل مفعول التقشير و يشيل الجلد الميت و تصير بشرتك تلمع و مع الوقت تصفى...و بالصدفه لقيت في البودي شوب اسفنجه صغيره بيضاء خاصة للوجه و صرت كل يوم أستعملها في الغسيل الصباحي ...

3-اذا حطيت ماسك العسل لازم اعمل مساج لمدة خمس دقائق و بعدين تبدئين بعمل ضربات خفيفه على الوجه و التركيز على( الخدين - زاويتي الأنف ) كنك تقولين مثل أخواننا المصريين ( يا لهوي :D ) و هذي فايدتها أول شئ تحفز الكولاجين بالوجه و ثانيا تشيل الأوساخ الي داخل المسامات و تقدين تعملين كذا لمدة 10 دقايق و تغسلين وجهك و شوفي النظافة ..انا كانت تجيني فلبينيه تسويها لي و تاخذ 50 ريال في المره و يوم شفتها سهله صرت انا اسويها ...و بعدين اذا كان الوجه وسخ مع الضرب راح تلاقين العسل يفتح لونه على شوي بياض و يدك تصير ثقيله كأنك تعملين حلاوه اما اذا وجهك نظيف فراح تلاقين العسيل خفيف و ايديك خفيفه في عمل الضربات ...

هذا الي عندي مع العلم انا بشرتي دهنيه و هذا ناسبني يعني كل وحده و بشرتها و ارجع اكرر الي يناسب غيرك مو ضروري يناسبك و انا حبيت اقول الي عندي للإفادة لأنه حلو الإنسان انه ياخذ و يعطي ما يعيش ياخذ و بس ...و اركز بعد على ضرورة التغذيه لأنه قبل ما نغذي بشرتنا بالفيتامينات من بره لازم تكون الفيتامينات موجوده داخل اجسامنا قبل ...و الحمد الله ما اقول انه بشرتي زي البيبي لكنها صحيه و نظيفه و نضره لدرجه انه كل دكتور جلديه يشوفني يقولي بشرتك كويسه و مره مسكتني مسؤولة علاقات عامه في مستشفى و كانت فرنسيه و قالتلي وش تسوين في بشرتك و هذا طبعا الحمد الله اعطاني ثقه في تجاربي على نفسي :27: ....

هذه من تجاربي و بالتوفيق لكم و لي انشاءالله ....