اليوم غدانا ذاك البخاري اللي يجيب العافية
عاد حبيت اشارككم الطريقة بالصور اشارككم الطريقة مو الاكل!!<<<خخخخ
المهم هذي الصورة وان تحمستو كملو القراءة وان ماتحمستو مشكورين ع المرور
هاه تبون الطريقة؟ <<اللي يسمعك يقول مسوية مفطح خخخ
المهم ياطويلات الاعمار قطعي دجاجتك ارباع وغسليها حطيها بقدر وحطي معها بهارات عدلة
(هيل_مسمار_فلفل_كزبرة_ورق غار) وملح خشن وماجي ابيض ونص بصلة من غير تقطيع بس
عشان الزفر وتحطيها ع النار كأنك تسلقي الدجاجة
بعدين نقعي الرز المزة بمويه حاااارة عادي البشاور بس النتيجة احلى بالمزة
بعدين ياطويلات العمر اذا استوت الدجاجة شيلوها من المويه وحطوها بشخال لحد قبل التقديم واقولكم
الحين نقطع نص بصله مربعات ونحمسها بقدر بشوي زيت بعدين نحط عليها فلفل بارد نص حبة مقطعة كبار
ونبشر جزر يجي نص كاس مبشور ونحطه على ماسبق ونحمس على نار متوسطة وحطي هيل عدل ومسمار عدل
وكركم مطحون نص ملعقة صغيرة ولون الطعام اصفر شوي
بعدين نصب عليها من مرقة الدجاجة ونزيد شوي ملح عشان الرز ونصفس الرز من مويته ونحطه على ماسبق بعد مايغلي
ولما يطلع الرز نقصر عليه مررررررررة ونحط على وجه الرز سمنه شوي
ونخليه لحد مايستوي اما الدجاجة فنقليها بزيت غزير وحار بس شوي لما تاخذ لون اشقر
طبعا هي مستوية اصلا بس الزيت بكذا يعطيها تحمير من كل الجهات بنفس الدرجة وطعم القلي عاد وش خليتو!!!
بس آسفة نسيت اصور هالخطوة وبكذا اذا استوى الرز حطيه بصحن التقديم وحطي الدجاج فوقه
وزينيه ببصل مقلي زي حق الكشري عرفتوه؟؟
وهذي الصورة لعيونكم
وهذي سلطة فوق البيعة ههههههه
ودمتم بخير:icon28: