طريقة بسيطة مرة مرة للمندي..وطعمها جنااااااان...
وبلى حفر ولا هم..يعني زي حلاتي ساكنه بالطابق الثاني..كيف أسوي حفرة مندي..؟؟؟:eek:
ولا يعني أحفر الأساس..؟؟:30:
ولعيون الغالية.... بنت وبس....
المندي
المقادير:
بصلة دوائر
فليفة دوائر>>>> أنا أستخدمت نص لأن كثرة الفليفلة بالطبخ تخليه مر
طماطم دوائر>>>>> مو رقيقة ولا متينه..وسط...
جرز دوائر أو مبشور >>طبعاُ أنا ما كان عندي جزر..ولا حطيت..وكان وقت الصلاة يعني المحلات مقفله..نص جزرة تكفي..ويطلع ألذ بالجزر..
1 فص ثوم..حسب الرغبة أنا هنا إستغنيت عنه
فنجان زيت
بهارات صحيحة مو مطحونه
(عود دارسين+شوية زنجبيل+فلفل أسود صحيح+جوزة الطيب+شبت+الملح)
فلفل أخضر حار
2 ليمون أسود>>>>أنا هنا أستخدمت وحده لأني كنت مسويه نص دجاجه.رز
دجاجة منظفة
بهارات مطحونة(فلفل أسود+بهار مخلوط+فلفل أبيض+ملح+ربع ملعقة شاي كركم)
كل البهارات المطحونة مقدارها نص ملعقة مع مراعاة مضاعفتها في حال دجاجه كامله
1 زبدة صغيرة
مويه
الطريقة...
ننظف الدجاجه..ونغسلها بشوية خل ونغسلها عن الخل زين...
نمسح الدجاجة بالزيت..والبهارات المطحونة ونص ملعقة الحلى ملح...
نغسل الرز لحد ما تصير المويه صافيه ونضيف البهارات الصحيحه+المويه+الليمون الأسود+الفلفل الحار+البصل والطماط والفليفلة+الثوم+المويه..نخليها ترتفع فوق الرز بمقدار 2 إلى 3 سم..
نضيف الملح..أنا أستخدمت تقريباً 3/4 ملعقة أكل..
لا تنسين تحطين البهارات اللي مو مطحونة..أنا هنا قاعدة أصور بسرعة قبل ما يخلص زوجي من الصلاة..ويجي يشوفني...:arb:
ندخل القدر الفرن بحيث يكون تحت الدجاجة بالضبط..
الفكرة هنا إننا نخلي البهرات والزيت اللي بالدجاجه تنزل على الرز..ويستوي بها...
مثل هذي الصورة...
ونشغل الفرن على 250 أو 300 من فوق عشان تنشوي الدجاجه وبنفس الوقت يستوي الرز...
ضروري نراعي إننا ما نرفع حرارة الفرن..عشان لا تحترق الدجاجه من بره..وتكون لسة نية داخل..
بعد ما تستوي الدجاجه من جهه نقبلها على الجهة الثانية...
إذا إستوت الدجاجه..تشيلينها...وتبدين تسوين الرز..إذا كان فيه مويه واجد سويه فوق الفرن لحد ما ينشف..
وتتأكدين من الملح..
وإذا المويه قليله إفتحي الفرن داخل من تحت على 250 وخليه يستوي على راحته..بس تأكدي من الموية عشان لا يعجن...
ونحط عليه الزبده الصغيرة..عشان تعطيه طعم أحلى...وممكن نستغني عنها لو ما تحبين الزبدة مع الرز...
أنا بالعادة أقطع القطعة الصغيرة من الزبدة إلى 3 صغار وأوزعها على الرز...
وطبعاً كلنا نعرف طريقة الملعقة في إختبار الرز...
بعد ما يخلص..الرز..سخني الدجاجه شوي بالفرن..
زيني الرز بشوية بقدونس وكزبرة مفروم...
أعذروني ما كملت التصوير...بس الفكرة واضحه..وسهله..
زوجي يطلب المندي يوم الخميس عشان يكون بالبيت:30: ..ويقعد عندي بالمطبخ..ويتشمم الريحه.:hahaha: ..من حبه للمندي...
وبالعافية على قلوبكم...
أنا حددت الملاحضات المهمة بالأحمر..عشان تنتبهون لها..
وأهم شي بالموضوع...
أول ما نطلع الدجاجة من الفرن..تحاولين تنظفين الشبك..أو على الأقل نتقعينه بمويه..أو ترشين عليه مزيل للدهون...أنا أستخدم 409 مرة حلو....بس تأكدي إنك ترشين مويه أول شي حتى يبرد الشبك..وبعدين رشي المنظف...عشان لا يلصق لك الزيت..:09:
في أمان الله..