مساء&صباحالخير جميعا
كيفكم ان شاء الله تكونو تمااااام كلكم
امس سويت عشاء داوود باشا علىطريقتي
وكالعاده
سهل
سريع
خفيف
بسيط
والاهم
متوفر
نبدأ بسم الله
الطريقه والمقادير مع بعض
واول شي سويت مقادير اللحمه
تقريبا 2كوب لحم مفروم
بصله متوسطه مقطعه صغار
ملح
فلفل اسود
عجنتهم مع بعض مزبوط
كورتهم كور صغار ورصيتهم بصينيه فيها شوي زيت
بس مسحه خفيفه عشان ماتلزق بالصينيه
وهنا بعد ماطلعتها من الفرن
لاحظو الدهون اللي باللحمه طلعت كلها بالصينيه
الحين نخليه اللحمه على جنب
ونبدأ نشتغل عالصوص
قطعي بقدر
بصله متوسطه
حبه فلفل حار
فصين ثوم
شوي زنجبيل
ونحط معاهم شوي زيت
نحمرهم شوي لحد مايذبل البصل شوي مو مره
حطيت عليها بعد كذا عصير حبتين طماطم
ملعقتين صلصه
شوية شبت تقريبا 3ملاعق كبار
ملعقتين كبار مليانه زبادي
يعطي طعم رهيب
تحركينهم مع بعض زين لحد ماتتسبك
وتختفي قطع الزبادي
نخليهم شوي
حطيت معاهم ملح وكمون
بعدين حطي قطع اللحم وخليهم شوي
تقريبا 10دقايق
اذا حسيتيها ناشفه مره حطي شوي مويه
انا ماحطيت
وهذا عند التقديم وبالعافيه
ان شاء الله الطريقه تكون جديده
وسهله بنفس الوقت
والاكيد انها حلوه
والاهم لاتنسو حبيبة القلب:angry:
استغفر الله الذي لا اله الا هو الحي القيوم واتوب اليه
اراكم قريبا في اطباق جديده
