حياكم الله عندي
جبت لكم طريقه رائعة للعناية بالبشره من وحي افكاري >>>>تكفين يامخترعة الذرة
اولا ً: تحتاجون الى هذا الشيءهي رولة الخاصة بالعناية بمنطقه حول العينين من ماركة غارنييه
ثانياً : انتي مخياره بين 4 اشياء :
1- انك تتخلصين من نصف الكمية الموجودة داخل الروله وتعبينه بشوية زيت جنين القمح مع شوية زيت زيتون وتدمجينهم مع بعض ويكون عندك تركيبه رائعه للقضاء على الهالات السوداء تحت العين......
2- او بعد ماتنتهين من كل الكمية الموجودة داخل الرولة تقومين بتعبئتها بموية ورد وشوية نشاء وتحطينه في ثلاجه وتمرنينه كل يوم على بشرتك وتسوين مساج رايق لوجهك وبكذا تنعشين بشرتك وتشدينها.....
3- او انك تعبينها بشوية زيت اللوز مع فيتامين e وبكذا تغذين بشرتك كل صباح او مساء....
4- او انك تحطين جليسوليد السائل مع شوية ليمون وتمرنينه على بشرتك كل يومين تفيدك في تفتيح بشرتك بشكل رائع بس من المهم انك تحفظينها في ثلاجه عشان اليمون مايخرب.....
الافضل بعد ماتخلصين انك تحفظين الروله بعد تعبئتها في الثلاجه عشان تكون باردة وقت الاستخدام لان كذا يساعد على شد الجلد المترهل ويحرك الدورة الدموية وبهذي الطريقه تسوين لك مساج رايق ورائع لبشرتك ونفس الوقت تضمنين ان بشرتك تمتص الخلطه بسرعه واحلا شي ان خلطتك جاهزه وسريعه ماعليك الا تحركين الروله بشكل دائري عشان تنشطين دورتك الدموية وتنعشين بشرتك وبتلاحظين ان الدم سيتصاعد فوراً إلى وجهك وجنتيك وتكتسبين اللون الوردي
وستشعرين بالإنتعاش وتكسبين وجهك النضارة والحيوية
في بداية يمكن تشعرين بالقشعريرة للمرة الأولى ولكنك راح تتعودين عليها
وتصبح لك بمثابة متعة جميلة.
واخيراً تكفون ابيكم تدعون لي ان الله يرزقني بالولد الصالح عاجلاً وليس اجلاً .....
واتمنى اسمع رايكم عشان اتشجع وانزل فكرتي الثانيه
ولكم مني كل شكر ودعاء........
ملاحظه؛ تراني منزله الموضوع في منتدى ثاني باسمي
حبيبتي والله كثير افدتيني
جزاك الله خير
والله يرزقك الولد الصالح عاجلا غير آجلآ
تسللللللمين