عندي طريقة سهلة تعلمتها من المنتدى ودي اقولكم عنها ... ممكن تسهل عملية تنظيف الفرن المملة ...
اول شي تجيبين بخاخ
تحطين فية ( صابون فيري + مطهر داك + ماء ) أو اي خلطة تستخدمينها في تنظيف الفرن على راحتك
اسفنجة تكون مخصصة لتنظيف الفرن
قطع تمسيح (اللي تمص الماي ) ... دورت عليها في الانترنت مالقيت غير الصورة الموجودة تحت ... للتوضيح
اول شي تشيلين كل شي عن الفرن ... وتبدأين عملية التنظيف تبخين البخاخ على كل الفرن و تبدأين التنظيف بالاسفنجة و لما تخلصين من التنظيف
تمسحين بالممسحة اللي راح تكون مبلولة بالماي ...
بتمسحين الصابون مع الماي الزايد و راح يكون الفرن نظيف و ناشف من الماي
ترجعين عيون الفرن عادي وتغطينة للمرة الجاية بعد كل استخدام تسوين نفس الطريقة ....
راح ترتاحين من التنظيف و يكون الفرن نظيف على طول
انا استخدم نفس الطريقة لتنظيف مغسلة المطبخ و الارفف بعد ما اخلص من الطبخ بالمطبخ
