مسائكم/صباحكم مسك وعنبر ونظافه
بفضل الله ثم بفضل هذا القسم الجميل تحمست اليوم ونضفت الحمام وانتو بكرامه
وقلت خليني احط طريقتي السهله جدا لغسيل الحمام
خاصه ان طرقتي هذي جداا سهله ومريحتني ع الاخر ماشالله لان مافيها حوسه كثير وتعطي نتائج باهره ولمعاااان فظيع والله بدون مبالغه حمامي يصير فيه بياض عجيب ماشالله لدرجة اني اجلس اطالع فيه بعد ماانتهي وانا فخوره بنفسي
نبدأ اولا برش دورة المياه بالماء
بعدين ننثر الصابون ع كل مكان تقريبا وبصراحه مالقيت افضل من صابون ايريال نظافه وبياض عجيبين
بعدين نصب ع انحاء متفرقه من الحمام كلوركس وخاصه التواليت
وبعدين هاات يافرك بالفرشه
وطبعا التواليت ننظفه بالفرشه السابقه من برا ومن جوا بفرشته الخاصه
وبعدين خلاص انتهينا نشطف الحمام بالمويا ونمسحه بالمساحه
نجي للمغسله
ننثر عليها صابون ايريال او اي مسحوق تنظيف
ونبدا ننظفها باسفنجه
ومااحط عليها كلوركس اخاف تقلب لون البزابيز<<,تستخدمون هالمصطلح هع
وبعدين اشطفها مزبووووط بالمويا
وامسحها بمنشفه
والمرايا انظفها ببخااخ داك صرااحه روووووعه للمرايا ولا يترك اثر فيها ويخليها تلمع
تلاقونه كاشخ يمين الصوره
وامسحها بفنيله رجاليه داخليه اروع شي لتنظيف المرايا ومالقيت لها صوره بقوقل هع
وخلاص
استمتعي بحمام نظيف ويلق
يلا قومي انتي وياها ع حمامك لمعيه وخليه يبرق بسرعه
دمتم بود
الله يديم عليك الصحة والعافية