اللهم ربي اجعلني و من يقرأ أحرفي هذه من المستغفرين و الذاكرين و الذاكرات ..
مساااااااااااء الفل لأحلى عالم ، أنا جايبتلكم اليوم طريقة عمل أحلى أكل و أسرع وجبة يموتون عليها عيالكم و هي البورجر و البطاطس .. اطمني راح تاكلين وياهم بدون ما اتحسين بتانيب الضمير من الكالوريز و بتكونين مطمنة عليهم بعد .. نسيت أقولكم إنه طريقتي بالإضافة إنها صحية و ما تتشرب زيوت واااااايد عملية و مريحة للي ما عندهم خدامة و هذه هي المعتمدة عندي ....
كأني طولت السالفة .. هههههههههههههه
المهم إنج اطلعين البطاطس و البورجر من الفريزر
و إنتي حرة إذاتبين تنتظرين إلين يذوب الثلج و إلا مثلي تبين اتخلصين بسرعة إذا كنت مستعيلة ((صدق و الله هههه))
و اتجهزين (( هذا السر الخطير )):) صحن الالمنيوم البارسيل بحجم الكمية الي بتطبخينها و هذه صورة الصحن الي أقصده و في منه أحجام أوقات إذا بغيت أشوي حبتين بورجر أستخدم الصغير مرة .. ( سوري هاي الصورة الي لقيتها ) :
و إلي عليج اتسوينه إنج اتسخنين الفرن و اتصفين البطاطس في جنب و حبات البورجر في جنب و إلا كل شي بروحه و ادخلينه شغلي من فوق و يمكن تحتاجين اتقلبين البطاطس قلبة وحدة و البورجر راح يحمر بسرعة ما تتخيلينها بمجرد ما يحمر اقلبي على الوجه الثاني بشوكة ..
طلعيه و استمتعي بأكل صحي بدون زيوت و في وقت قصير .. و بدون حوسة الزيت و التنشيف و غسل المواعين طلعي أكلج و سيدة ارمي الصحن .. و اسلمي على نظافة الصواني ..
راح تستغربين من كمية الزيت الي تطلع من البورجر و إحنا نزيدها بزيت القلي ..
أتمنى طريقتي عجبتكم طبقوها و ادعولي ..
أختكم المحبة ..
فوحة المسك :27:
واضافة لكلامج يمكن استعمال نفس هالصحون لعمل الكيك وما منه خوف
ما قصرتي الغالية لج تحياتي