اليوم بنزل لكم طريقتي في عمل مكرونة البيتزا وان شاءالله تجربونها وتعجبكم
المقادير //
2 باكيت مكرونه تلفون
دجاجه الا ربع مسلوقه بماء وشوية ملح وحبة ماجي وبعد السلق تقطع
2بصل يقطع صغير
1 ثوم مقطع صغير
3 طماطم بالخلاط الكأس
2 ملعقه معجون طماطم
ملعقه كاتشب وقليل شطه حاره
حبة ماجي ونصف ملعقه بهارات مشكله وشوية ملح وفلفل اسود
خلطة الوجه //
علبة قشطه - 3ملاعق جبن سائل - ملعقتين مايونيز
جبن موزريللا - زيتون اخضر واسود حلقات - فلفل بارد مقطع مكعبات صغيره
الطريقة //
نسلق المكرونه في ماء وملح وشوية زيت
ونعمل كشنة الدجاج ... نحط شوية زيت في قدر ونضيف البصل والثوم ونحركه لين يصفر لونه بعدين نضيف البهارات والماجي والفلفل والملح ونحرك شوي ونضيف الدجاج المسلوق وبالأخير نضيف الطماطم ومعجون الطماطم والكاتشب والشطه ونزيد على النار لين تطلع فقاعات شوي بعدين نقصر عليها وبعد 10 دقايق نطفي عنها وتكون جاهزه
اذا استوت المكرونه نخلطها مع الدجاج بنفس القدر الي سويناها فيه وبعدين نحطها يصينيه بايركس
