مشاء الله اليوم أن شاء الله جيبتلكم طريقتي المبتكره والسهله والمرتبه والنظيفه والمريحه وما تحوسلك الدنيا وما تشيل فيها هم في فرزنه وطبخ ورق العنب وأن شاء الله تعجبكم يارب ..
بعد ما لفيت الورق العنب أخذت كل مجموعه وحزمتها وربطتها بمطاط خاص للطبخ.
وسويتها مجموعات الكميه الي تحبيها.
وهنا كميتي.
وللفرزنه حطيت كل مجموعه أو مجموعتين على قد طبختك في كيس بلاستك خاص للتفريز.
ورصيتها في الفريزه بشكل مرتب مو مقربع وعلى بعض.
ولو أبغ اطبخ من الورق العنب المفرزن أندره من الفريزه قبلها بوقت علشان يفك التلج وما يتكسر حبة الرز.
أجيب قدر وأحط فيه مويه وماجي وكمون وفلفل أسود وملح وعصير ليمون وزيت وأولع تحته النار وأخلي الموية تفور.
حطيت مجموعات ورق العنب المحزم ومكعبات بطاطس وغطيت القدر وخليته يطبخ لمده 40 دقيقه على درجه حراره متوسطه.
وهنا أستوى مشاء الله كل حبه بحبتها وما أتفرط وما حوسلي الدنيا.
وغرفته في صحن التقديم وبالعافيه ومحل مايسري يمري أن شاء الله على قلوبكم.
تسلم يدينك يارب
وبالعافيه عليكم ان شاء الله
لاتنسي جارتك بصحن هههههههههههه
يعطيكي العافيه ياقمر
:)