جانا الصيف وجت الاعراس والحفلات .........والروحات والجيات..
حبيبتي
اكيد تحبين تكوني متألقه ....
ولبشره تشع نضاره وأشراق وصحه
حبيت اشاركم بطريقتي لتنظيف البشره
فهيا نبدء معا:
هذي المستحضرات اللي استخدمها لتنظيف البشره......... واحب اغير دايما من ماركه لماركه
ومب شرط تكون من الماركات الغاليه ......وطبعا ما أستخدم شي ما عرف مصدره
والحين رحلتنا تبدء بتفصيل
يفضل تنظيف بشرة الوجه بعد
اخذ حمام منعش
نغسل الوجه بالصابون المناسب والماء الفاتر........
والبعض يحب يعرض البشره للبخار ........ما افضل البخار لأنه
يوسع المسام ويرهل البشره
هذي صابونتي المفضله ترطب البشره واكيد عارفين صابونة
البابايا
(( نصيحه ))
لأن الصابونه تذوب بسرعه خذي قطعه بالساكين وحطيه بعلبة الحمام .......والباقي حطيه بمكان جاف كل ما حتجتي قصي لك قطعه
بعد ما غسلنا بشرتنا نحط المقشر وهذا بخلاصة المشمش وهو المفضل عندي...... واللي بالصوره
فرشاه تدلك وتنظف بعمق وتشحن بالكهرباء.......مريحتني كثير
هذي فرشاه عاديه وتفي بالغرض وممكن تستخدمين اصابعك
والحين ندلك بشرتنا بالملك استعدادا لتنظيفها من الروؤس السوداء
دلكِ بهذه الطريقه الموضحه وركزي عالمناطق اللي تكثر فيها الروؤس السوداء حتى تلين و يسهل
تنظيفها
تلفين اصابعك السبابه بمنديل حتى لا تجرحي بشرتك .. وتبدين بالضغط بشويش لأخراج الرؤوس السوداء
تابعوني لاحد يرد بكمل
خلصنا تنظيف الروؤس السوداء نضع قناع مناسب للبشره...وهذا قناع مكمل لتنظيف البشر من الشوائب المتبقيه وواللي استخدمه قناع الهمالايا بالوز والخيار والأناناس رررروعه
وهذي طريقة نزع القناع بعد ما ينشف تماما عشان يشيل باقي الشوائب من البشره
بعد ما خلصنا من نزع القناع نمسح الوجه ولا ننسى الرقبه بالتونك وفيه تونك للبشره الحساسه
عن نفسي استخدم التونك وبعدين السكنول وما حسه يأثر على بشرتي لأن البعض يشوف السكنول قوي على بشرتهم....
واخيرا
الترطيب .........
بعد ما نظفنا البشره يجب غلق المسام خطوه مهمه..ممكن بماء
بارد والافضل ماء الورد البارد...
واللي استخدمه رذاذ نيفيا ريحته رووووووعه احتفظ فيه بثلاجه ارشه عالوجه
مباشره ....يريح ويحسسك بالأنتعاش ......... وبعده نرطب بشرة الوجه مع الرقبه بالمرطب المناسب
وطبعا نرطب كامل الجسم والمرطبات كثيره ......افضل اللي بريحة الورد والفواكه وهي انواع كثيره..........
المرحله الاخيره الاسترخاء
استرخي حبيبتي على ضوء الشموع ......يعني سوي الجو اللي يناسبك ولا تنسي اهمية السوائل والفواكه لصحة بشرتك
خلصتي
تلذذي بشرب العصير البارد بالصحه والعافيه على قلبك يا احلى حواااااااااااء