طريقتي لتنظيف الوجه والرقبة بالبخار
اخواتي بداية ابغى اطمنكم اني ما اكتب لكم شيء الا متأكده منه كوني أخذت دورات في التجميل وفي العناية بالبشرة
.
.
واحب انبه ان البخار مايناسب البشرة الحساسة ..
.
.
إذا طبقتي التنظيف بالبخار كل شهر ، مره ممتاز ، ويساعد بشرة الوجه على الاستجابه للخلطات والماسكات وتخلي الوجه صافي ومنور ولونه وردي بإذن الله..
نبدأ بسم الله
أحتاج إلى:
(جهاز بخار + منشفة كبيرة +عسل + قليل من الحليب البودرة مذوب بماء ورد+ نعناع او بابونج+ قطن ومناديل + مقشر كريم كاب + ماسك النشا وموية الورد "وله طريقة خاصة" +شريحتين خيار بارده+ مكعب ثلج من ماء الورد +ماسك جل بفيتامين e أو بالخيار+ كريم مرطب "من ذا بودي شوب فيتامين e + كريم العيون من بوندس)
2
طريقة ماسك النشا الصحيحة لنتيجة ممتازه :
ملعقة نشا صغيره ، تذوب بفنجان شاي ماء ورد وتوضع على نار هاديه وتتقلب إلى أن تحسيه بدأ يثقل وتطفي النار فورا بس يكون قريب للسائل يسهل فرده على الوجه ولأنه كمان لما يبرد ح يثقل واذا لاحظتي انه ثقيل زيديه مويه وقلبيه وخليه مغطى بالثلاجه لوقت استخدامه
11
اللي ماعندها الجهاز تقدر تغلي مويه بقدر متوسط وتكمل ..
أولا اربط شعري بإشارب ، اغسل وجهي بماء دافيء وغسول نتروجينا انشفه بالمناديل
بعدين ادهنه بالعسل لأن العسل له مفعول في فتح المسام عشان يسهل تنظيف البشرة بعمق وراح اقفلها آخر شيء
اخليه على وجهي 10 دقائق احضر اثناءها الجهاز وباقي المستحضرات اللي احتاجها
ولتحضير جهاز البخار :
-مويه
-ورقات نعناع او نص ملعقه بابونج.. (تساعد على الاسترخاء وانتعاش البشره )
- 3 ملاعق كبيرة ماء ورد
اذا بدأ البخار يتكون .. ارخي وجهي عليه واجيب المنشفه اغطي عشان البخار يتركز ع وجهي وتكون المسافه تقريبا 30 او 20 سم ولمدة 10 دقائق او حتى يتعرق وجهي تماااام
بعدين ابعد عن البخار واسترخي شويه اخليه ينشف طبيعي ، اجيب الحليب وبقطنه امسح وجهي بشكل دائري واخليه 3 دقائق
وارجع دقيقتين للبخار بس يدفى وجهي ابعد، واحط السكراب وافركه من تحت لفوق من الداخل للخارج من اسفل الرقبه لأعلاها
اغسل وجهي وانشفه بمنديل
.
.
الرؤوس السوداء اللي على الانف جربت طرق كثيرة العصر مؤلم واللصقات فااااشله
أحسن واسهل طريقة هو استخدام الماسك الجل غالبا يجي شفاف اسمه peel off mask يعني قناع مقشر اللي استخدمه بفيتامين e وفيه نوعيه ممتازة بالخيار ..
احط منه ع منطقة الأنف واللي عندها كثير الرؤوس السوداء في وجهها توزع منه ع كامل الوجه
اخليه الين ينشف تماما ويسهل نزعه ، واسحبه من الاطراف برقه عشان لا ينقطع ولما اجي على قد الانف اسحبه بنزع عشان يسحب معاه الروؤس السوداء >> وراح تشوفيها بالماسك معبيته احيان اكرر العمليه ع الانف اذا ماراحت من مره وحده تروح من مرتين
أوزع الماسك البارد (النشا وموية الورد) واسترخي بإضاءه خافته واحط على عيوني شريحتين الخيار البارده اخليه تقريبا من نص ساعه إلى ساعه حسب التفرغ ممتاز هذا القناع بعد البخار لأنه أفضل وقت لتقبل البشره المغذيات ولأنه كمان بارد يقفل المسام ولأنه النشا له خواص ممتازه بتبريد وتلطيف البشره عشان لاتتهيج بسبب الحراره غير انه مبيض طبيعي
بعدها امسحه بقطن مبلل و اغسل وجهي
هنا مرحلة تقفيل المسام وهذه جدا مهمه .. اجيب مكعب الثلج وامرره على وجهي وعيوني ورقبتي وهو يعمل عمل أي تونر قابض للمسام ويقفلها
انشف بالمنديل واحط الكريم المرطب مع تدليك بسيط وخفيف ولعيوني اوزع اما كريم مغذي أو كولاجين من بوندس ..
ونعيييماً
ملاحظتين مهمه:
-لاتتعرضي لأي تيار هوائي شباك مروحه مكيف أثناء البخار وعملية التنظيف.
-لا تغسلي وجهك بالصابون بعد البخار
-دائما احرصي انه ما تنشفي وجهك بالمنشفه لأنه غالبا ماتكون فيها بكتيريا وتنتقل للوجه وخصوصا انه بشرته حساسه فخليها قاعده عندك تنشيف الوجه بالمناديل، وأكدوا المعلومه هذه في برنامج ذا دكتورز The Doctors
بنهاية موضوعي أتمنى ايكون مفيد..
واللي ابغاه منكم بس دعوه بالذرية الصالحة..
.
.