السلام عليكم ورحمة الله
اليوم راح أقول لكم طريقتي في إعطاء أبني الحليب وبما أنها أنجحت معاي قلت ماتغلى على عالم حواء اللي استفدت منه كثير
ولدي عمره أكثر من 3 سنوات فطمته تدريجيا من الرضاعة وصرت ما أعطيه الرضاعة إلا وقت النوم
وذاك اليوم مسوي فيها معصب ورماها على الارض وكسرها أنا حلفت ماعاد أجيب له غيرها وأحتفظت فيها
وصار إذا طلبها أخليها يشوفها وأقول شفها مكسورة أبيه يقتنع منها
حاولت أعطيه الحليب في كأس بس مايشربه وجلس أسبوعين مضرب عن شرب الحليب
وفي الاخير أقتنع بس مايشرب إلا ربع الكأس بعد مايطفشني وأطفشه
قالت لي وحده حطي له منكهات في الحليب لكني ما أقتنعت ما أبيه يتعود عليها ثم يكره أنه يشرب الحليب ساده
وبعدين الحليب الصافي هو اللي يعطي الطفل نضارة وبياض
جبت أشكال وألوان من الكاسات بس أيضا مانفعت
جاتني فكرة وقلت بطبقها إن نجحت ولا دورت حل ثاني
وهي أني أسوي الحليب في كأس وأخبيه عن ولدي علشان ما يشوفه ثم أصب منه في بيالة بس ما أخليها تمتلئ يعني ثلاثة أرباع البالة أو نصها
وأعطيه يشربها بعد خمس دقايق أو عشر دقايق أجيب بيالة ثانية وهو يكون يلعب او يلهى بأي شي وهكذا الين يخلص الكأس .
ولله يابنات صار ولدي إذا شافني جايبة البيالة يقول ـ دلها دلها ـ يعني أشربها كلها لانه مستقل الكمية
والحمد لله مشيت على كذا وصار يشرب كأس حليب في اليوم أو كأسين
أيضا حبيت أعطيكم معلومات بسيطة...
* إذا كان طفلك يعاني من الكحة بإمكانك إضافة ملعقة زيت زيتون إلى الحليب وراح تريحه بأذن الله خاصة قبل النوم .
* أخلطي حليب مثل ـ حليب السعودية ـ وعصير منقا ـ أو ـ موز طازج ـ وشوية سكر وأعطيها طفلك تعطي نضارة للطفل وتشبعه .
أتمنى أني أفدكم ودمتم في رعاية الله
عزتي في بيتي @aazty_fy_byty
محررة فضية
يلزم عليك تسجيل الدخول أولًا لكتابة تعليق.
الف الف شكر ع ذكر تجربتكـ.......
الله يحمي لك ولدـ ياااارب...........................
الله يحمي لك ولدـ ياااارب...........................
الصفحة الأخيرة
والله يحفظ ولدك