السلام عليكم أخواتي الحبيبات في البداية ادعوا من الله ان يبلغ الجميع شهر رمضان على أتم صحة وعافيه
الموضوع باختصار انا اشتكي من تساقط كثير بالشعر واضطريت الى اني استخدم فيتامينات عشان يوقف التساقط لكن لازم يرجع الشعر اللي طاح وهنا بحثت عن طريقة لتنبيت الشعر
فيه ناس يحبون يسون خلطات وخرابيطها تكون كثيره انا اكتشفت ان هذا سبب في تكاسل الكثير منا انه يكمل المشوار حتى يصل الى نتيجه وأنا اؤمن بأنه كل ماكثرت " دعاوير الخلطه" ضاعت الطاسه وهذا رأيي الشخصي ومو ضروري يتفق الكل معي فيه
من خلال تجاربي وجدت انه افضل زيتين ينبتون الشعر
زيت الخروع
لكن مفعوله بطيء ويحتاج الى تخفيف بزيت آخر لانه ثقيل
زيت جوز الهند " النارجيل "
زيت خفيف ولكن يتضايق البعض من ريحته
نجي للطريقة
نحتاج إلى ::
1 علبة زيت جوز الهند الاخضر العلبة المعدن
وممكن اللي مايبي الريحه يستخدم العلبه البنفسجيه
راس او 2 ثوم "مو فص صغير"
الطريقة
1- نقطع فصوص الثوم اللي بالراس الى انصاف او قصع صغيره وليس فرم
2-نضع الثوم داخل علبة الزيت
3-نضع العلبة المعدن "بكبرها" داخل قدر به ماء ونولع على القدر
يعني نطبخ الزيت بحمام مائي حتى لايحترق ولا يتأكسد
4- يطبخ الزيت على نار هادئة لمدة 15-20 دقيقه
5- بعد انتهاء المده نشيل القدر عن النار ونسكر غطاء العلبة المعدن ونتركه الى ان يبرد
6-نصفي الزيت من الثوم ويوضع في قارورة زجاج نظيفة ويستخدم بعد يومين
ملاحظات و شروط الاستخدام:
1- يستخدم الزيت يوم وترك يعني يوم ايه يوم لا وتبان النتيجه بعد شهر ونصف الى شهرين
2-ريحة الثوم ماتبان الا وقت التزييت ولما يكون الشعر رطب بعد الحمام لكن اذا نشف تروح الريحه
3-بعض انواع الشامبو ماتنظف الشعر العادي فما بالكم مع الخلطات يعني دوف وبرت بلاس وبيبي جونسن ماتصلح وانا استخدم صانسيلك بالحنا الوردي الجديد او الشامبو الاحمر القديم روبيرتا
4-اذا تبين تقطعين ريحة اي خلطه شينه من شعرك عليك بالحنا او السدر للي مايبي الحنا مره في الاسبوع فقط
5- انا استخدم حمام زيت بوناويل بالمشمش على ذيل الشعر عشان الريحه والنعومه
وسلامتكم
واللي ينبت شعرها لاتنساني بدعوه من قلبها لي بالتوفيق والعافيه والستر والحظ القوي:42: ما اتوقع كثيره علي لا شفتي الثيل بدا يطلع
أختـــكم أصيــــــــلة:26: