بسم الله الرحمن الرحيم
السلام عليكم و رحمة الله وبركاتة
رجعت ثاني لقسم البشرة بعد ما اختفيت شوي بس سبب اختفائي اني كنت في قسم المكياج انقل الفائدة ههه>>> صدقت نفسها :unsure:
وحتى وانا هناك كنت دائما اقول ان بشرتي دهنية وكنت انصح الكل ايش يستخدمو من منتجات مكياج لهذة البشرة المتعبة الكل
على فكرة انا ما عرف اكتب بالفصحة راح اجيب العيد فيها عشان كذا كلامي راح يكون بالعامي
انا قبل كذا كتبت كيف اهتميت ببشرة وجهي بس بصفة عامة يعني من ناحية النظافة و التفتيح و الترطيب وكنت حاطة خلطات طبيعية و صوابين عشان الكل يستفيد وكان الموضوع لجميع انواع البشرة
بس موضوعي هذا للبشرة الدهنية يعني المنتجات الي انا راح احطها للبشرة الدهنية فقط
طبعا هذه الاشياء اسويها يوميا يعني الي انا راح اكتبة يعني لليوم ككل ومعروف اللي بشرتها دهنية دائما تغسل وجهها على طول عشان الزيوت واللمعة اللي في الوجة
كيف راح يكون الموضوع راح احط الصور اول و بعدين راح اشرح بالترقيم عشان يسهل القراءة وتوصل المعلومة
يلا نبدأ بسم الله
غسول نيتروجينا oil free يعني مافيه زيت
غسول كلين اند كلير oil control هذا الغسول يتحكم بالزيوت ويقللها مع الاستمرار وانا مرات اعتبرة مقشر احس لما اغسل وجهي انه منعش ونظيف
bb كريم من غارنية للبشرة الدهنية انا دائما استخدمة للجامعة فيما سبق ههههه ودحين اذا خرجت لمناسبة غير رسمية يعني بدل كريم الاساس و هذا الكريم يمنع اللمعة والزيوت و فيه واقي شمس
واقي شمس فيشي من افضل الواقيات للبشرة الدهنية
مقشر رائع يوميا استخدمة يخفف لمعة الوجة و فيه حبيبات تقشر الوجة و تشيل الاوساخ
هذا كريم للترطيب من غارنية يعني بعد كل غسلة تدهني وجهك فيه بس هذا اختياري يعني اذا خلص هذا الكريم من عندي استخدم كريم فازلين لتوحيد اللون احس كريم فازلين البشرة تمتصة واذا ما عرفتو شكلة هذة هي صورته
بس نصيحة ابتعدي عن كريمات نيفيا ما تنفع للبشرة الدهنية
هذة الصابونة احبها وما اقدر استغنى عنها صابونة البابايا 1*4
وصابونة الكركم
طبعا هذه الاشياء راح تستخدميها يوميا
كيف انا اهتم في ببشرتي يوميا
اولا: اول ما اصحى من النوم اغسل وجهي بصابونة البابايا ابلل وجهي بالموية و بعدين ارغي الصابونة و احطها في وجهي لمدة 3 دقايق وبعدين اغسل وجهي عادي
بعدين اجيب غسول كلين اند كلير واحطة وافرك وجهي شوي بيدي وبعدين اغسلة
2- اجفف وجهي وارطبة بالكريم واذا انتي خارجة في الصباح او الظهرية بعد ما ترطبي وجهك حطي الواقي او الbb كريم
3- بعد ما ترجعي تغسلي وجهك بغسول نيتروجينا و ترطبي بشرتك
4-العصر تستخدمي المقشر او ارجعي لموضوعي السابق فيه خلطة الشوفان خلاص تستخدمي الخلطة وبعدها المقشر وبعد ما تخلصي ترطبي وجهك
5- لما تبغى تتوضي للمغرب غسلي وجهك بصابونة الكركم ورطبي وجهك اهم شئ
6- وقبل ما تنامي غسلي وجهك بصابونة البابايا وغسلي وجهك بواحد من الغسولين
ملاحظات : تقدرو ترجعو لموضوعي السابق و تستخدمي بخار الوجة مرة في الاسبوع بس اليوم الي استخدمتي فيه البخار لا تستخدمي المقشر
انا مرات احب احط ملاحظات اخوية وهذة بعض الملاحظات : لي شفايفك استخدي دائما مرطب طبي واذا طلعاتك دائما في الصبح او الظهر استخدي مرطب فيه واقي شمس
واذا تبغى تستخدمي الفازلين استخدمية قبل النوم او في البيت بس لاتخرجي والفازلين في شفايفك عشان الشمس راح تسود الشفايف
لسواد او سمار الرقبة : استخدمي الاسكينول انا دائما استخدم (البابايا عشان معروف انها مادة طبيعية مبيضة او الليمون وكمان الليمون معروف ) مع الاستمرار راح تحسي الفرق واصلا من اول استخدام لما تمسحي بالقطنة راح تشوفي البلاوي الطالعة بس الصبر والاستمرار راح تشوفي النتيجة
كذا انا خلصت موضوعي ولله الحمد
طبعا الموضوع هذا من اول ابغى اكتبة بس اشتركت في مسابقة هنا في المنتدى والحمدلله كان من طلبات المسابقة كتابة موضوع خاص من كل مشتركة والحمدلله الطلب جاء في وقته
المسابقة اسمها (حملة الاثر الطيب) واتمنى موضوعي ما يكون خرج عن اطار المسابقة
ابغى اشكر جميع المشرفات الي ساهمو في المسابقة ونجاحها وجميع مشرفات الاقسام الثانية الي استقبلونا وساعدونا
يعطيكم العافية وجزاكم الله خير
:26:اختكم في الله :26:
وهذا شعار المسابقة
ياليت تتقبلي نصيحتي بصدر رحب
انا مثلك بشرتي دهنية وعانييييييت وجربت كل شي واخر تجاربي والي استفدت منه نقطتين
ابتعدي تماما عن اي نوع من انواع الصابون واعتمدي الغسول او المقشر الخالي من الصابون والخالي من الزيوت
ثانيا انا كنت مثلك اغسل 4 مرات باليوم واكتشفت هالشي يساعد علي تحفيز الدهون وتحريض البشرة لافراز اكبر كميه من الدهون وتصدقي وتامني بالله اكتفيت بمرتين 3امرات لو خرجت من البيت او اضطررت
اقسم بالله العظيم بشرتي تغيرت تغيير جذري وماصرت اشوف الزيت يطفح بوجهي مثل اول
موفقه ومواضيعك دوم جميله وهادفة
تقبلي مروري