السلام عليكم ورحمه الله وبركاته
اولا صلوا على النبي واذكروا الله قصتي اليوم جيت اطرحها لكم عشان ادخل الامل لقلوبكم وافرحكم بذا الليل واعلمكم ان الله قريب مننا بشكل احنا مانتوقعه وبعد طمعانه بدعواتكم الحلوه ان الله يتمم موضوعي على خير ولا اتفشل قدام اهلي وربعي والله الفشيله شينه وانا الفشايل لاصقه فيني عيت تفارقني المهم ياحبيباتي القصه ومافيها اني قريت موضوع هنا بملتقى الفتيات وعنوانه وش قال الشيخ للي ماتزوجت المهم بديت اطبق الي قاله الشيخ حتى مو ذاك التطبيق واوقت الجوال على الساعه 10 الصبح واقوم اصلي الضحى واكثر من قول ربي اني لما انزلت الي من خير فقيره والصدقه يبنات اهم شي لو حتى تعطين بزر مويه وتقولين لوجه الله تعتبر صدقه واخر ساعه من الجمعه اقفل علي واجلس ادعي واصلي على النبي والله يبنات راحه عجيبه ماتتخيلونها وقيام اليل لا تنسونه واكثروا من الدعاء في السجود لوحتى ركعه وحده والله الذي لا اله غيره انها تقريبا اسبوعين بالظبط ويجيني ذاك المعرس بطريقه ماتتخيلونها والله لا اعرفه ولا اعرف اهله ولا احد من اهله قد شافني بس يبنات ربي اذا اراد شي يصير بس طريقه اخطوبه غريبه شوي وغامضه بس اسم ان احد طراني وحسسني بانوثتي والله بحياتي ماقذ انخطبت يارب يكبر حظي يارب ابو الولد كلم رجل اختي وساله عني فقط صح بتقولون وين الخطوبه فيه بس انبسطت وحسيت اني انثى وانخطب زي البنات وهذا الشي عطاني امل كبير بالحياه رغم ان الحين لي شهر ماقذ صار شي بس اكيد خيره تكفون يبنات دعواتكم الحلوه لي بالتوفيق وان الله ييسر لي خطوبه ولا اتفشل لان تقريبا نص العايله درت بسؤال الرجال عني ويقول انه بيخطبني تكفون ابي فزعتكم لي وان الله ماينهي ذا السنه الا وانا بكرت رجلي ابو عيالي يارب مستعجله صح ودمتم سالمين:icon28::icon28::icon28:
سعادتي على سجادتي @saaadty_aal_sgadty
عضوة نشيطة
يلزم عليك تسجيل الدخول أولًا لكتابة تعليق.
soog
•
ياااحياتي الله يوفقك وان شاءالله خير وقريب راح يتقدمون لك ثقي بس بالله
الصفحة الأخيرة