'طريقتي بالحمام المغربي ..وادواتي..

السلام عليكم من اسبوعين سويت حمام مغربي بالبيت والله العظيم جسمي طلع املس وناعم ومفتح ..وقلت اكتب لخواتي تجربتي عشان تستفيدون مثلي ...
الادوات اللي استعملتها صابون مغربي سائل +حنه+كركم+عصير ليمون+ماء ورد+ليفة مغربيه...الطقم المغربي الي نشتريه كامل من الصيدليه او العطار..قيمته 14ريال.. يجي معه صابون مغربي سائل وليفة مغربيه وصابونتين الطاووس وطين مغربي
الطريقة خلطت شوي صابون مع ملعقتين حنه وشوي موية ورد وحبه ليون :العصير: وكركم ملعقة..
بعدين غسلت جسمي بماي دافي عشان يفتح المسام وطلعت من الماي وحطيت الخلطة عالجسم والرقبة الوجه ماحطيت وجلست بمكان حار شوي خليت الماي الحار يصب ابالبانيو عشان يصير بخار بالحمام وجلست بالخلطة 10 دقايق واللي يبي ربع ساعه ودكت بالليفة زين تلاحظين زي الوسخ رمادي لونه بالليفه يطلع هذي المسامات الميته دعكي زين ثم غسلي جسمك بالماي البارد وبالاخير حطي شوي مويه ورد مع مويه باردة ورشيها عالجسم ...
وياليت تستفيدون مثلي واللي تبي تقشر رجولها خلال الحمام تقشر وممكن تسوين قناع من الطين لشعرك خلال مدة الجلسة وتغسلينه بالاخير :الطين اللي مع الطقم الصابون:يفيد الشعر