طريقتي بالصامولي (الصمون) تخليكي تنسي صامولي السوق..مع الصور

:23:السلام عليكم بنات شخباركم...:23:

عندي لكم يابنات طريقة اكثر من روعة لعمل الصامولي بالبيت.. وزينتها ان الطريقة بسيطة وماتاخذ من وقتك غير ساعة ونص مع التخمير(ساعة للتخمير)( ونص ساعة للعجن)...هذا غير الريحة اللي تشق الخشم وتحسسك انك بمخبزصحيح..والا الشكل والا الليووووونة والطعم ولا اروع..

مابي اتكلم واجد عشان ماتقولون هذي تبالغ مصختها..:42:

انا صورت اللي سويته اليوم ... وعلى فكرة تقدرين انك تشكلينها اي شكل تبين حق احلى فطور صباحي..>> كن هرجي زاد شوي

الطريقة...

_اخلطي التالي:

كوب ونص ماء دافي + ملعقتين كبارحليب بودرة + ملعقتين كبار سكر+ ثلاث ملاعق زيت +ملعقة صغيرة ملح..واخلطيهم زين

_ هاتي زبدية كبيرة وحطي فيها:

اربع اكواب طحين ابيض او بر عند الرغبة+ ملعقة كبيرة ممسوحة خميرة

واعملي حفرة بوسط الطحين وحطي فيها بيضة + الخليط السابق

وابدي بالعجن لمدة طويلة نوعأ ما..( كلما زاد العجن كانت النتائج احلى)..

ولما تبتدي العجينة تتماسك انا ادهن يدي شوي زيت عشان ماتلصق واكمل بالعجن..

بعدين خمريها بمكان دافئ لمدة ساعة فقط..

وبعد ماتختمر وتتضاعف..تعجينها على الشكل اللي تبين وتحط في صينيه مدهونه..و ادهنيها من فوق بحليب سايل وتدخل بالفرن يكون حار من تحت بعدين حمريها من فوق..
واول ماتطلع حطيها بكيس نايلون الى ان تلين


راح اعلمكم بالضبط طريقتي بعمل الصامولي ..

أ خذ قطعة من العجين بمقاس التفاحة المتوسطة.. وافردها شي بسيط يعني اللي تصير عرض الاصبع تقريبأ.. وابرمها مع تعديل الاطراف مثل شكل الصامولي...

اما باقي الاشكال هذي مايبيلها شي انتي واختراعاتك .. وتقدرين تحشينها باي نوع جبنة او زيتون او زعتر على اللي تحبين..

وهنا الصور تتكلم .. عاد تراني اول مرة اصور..حتى التحميل من موقع ثاني لأني ماعرفت للي هنا..

هذا الصامولي بالطحين الابيض


وهنا تشكيله متنوعه من العجين(بعضها محشي زعتر وجبن وزيتون)


انا جربت بنفس العجينه مع طحين بر


واي استفسار انا حاضرة...:cook: