شخباركم ان شاءاالله طيبين ...
وشخبار شعوركم ان شاءالله حلوهـ..
انا اليوم قلت ابي انزل موضوع عن الشعر ووالله العظيم ان قصدي بس ابيكم تستفيدون من طريقتي لآن من جد احس انكم مثل خواتي واي شي يفيدني مااحب ابخل عليكم فيه بس المطلوب كل وحده تدخل وتكتب كل شي استخدمته لشعرها سواء زيت او حمام زيت او بلسم اوكريم ووش لاحظت وتكتب الحاجات اللي ماتقدر تستغني عنها لشعرها
وطريقة الأستخدام يعني كل شيييييي تكتبونه ...عشان غيرها يستفيد ويصير الموضوع مثل المرجع يستفيد منه الكل..
وانا راح ابداء..
اول شي اغراضي ..
سيروم كرستال..
كريم فاتيكا..
زيت دابر فاتيكابالصبار..
نفس اخر واحد على جهة اليسار..
زيت دابر..
زبت انوب الهندي..
زيت نارجيل..
حمام زيت بالثوم..
بس ترى مو نفس اللي استخدمه مالقيت صورته انا استخدم واحد الغطاء لونه موف ..
حمام زيت كير لز بفاكهة الأفوكادو..
للأسف مالقيت صورته بس انا دورته بكذا صيدليه بالدمام بس لقيته عند صيدلية مستوصف الرأي
*****
بانتين بديل الزيت ..
ماء ورد..
طريقة استخدامي ..
طبعآ انا مااستمر على شي معين يعني انوع كل مره شي احطه ..
- احط زيت دابر فاتيكا بالصبار مع حمام زيت بالثوم مع زبادي مع بانتين بديل الزيت ..واحطه على شعري واتركه تقريبآ ساعتين بعدين اغسله بشامبو بانتين او دوف..
- أحط حمام زيت كير لز بفاكهة الأفوكاد على شعري واسوي حمام زيت اجلس على الجهاز نص ساعه او ساعه الاربع .. <<بس الطريقه هذي اسويها وشعري نظيف يعني اتسبح واحطه بعدين اغسله بالمويه لحاله ويطلع ماشاءاالله تبارك الله ..
- زيت دابر استخدمه لحاله او مع نفس الخلطه اللي فوق اللي هو بلسم وزبادي وبديل الزيت ..
- واخر مره استخدمت زيت نارجيل وخلطت معه شوي من زيت انوب وماشاءاالله مره حلو..
وفيه طريقه كنت اسويها قبل لأطلع من الحمام بس من زمان عنها لآن والله انساها والا الطريقه خيااااال خصوصآ اذا كنتي نتستشورين شعرك..
اخر شي اشطفي شعرك بكأس مويه مذوبه فيه ملعقه صغيره عسل وقطرات ليمون وبس ونشفي شعرك واستشوري وشوفي كيف يطلع شكله والله خيااااال..
بعد الحمام..
احط كريم فاتيكا اذا كنت مراح استشوره ..
واذا بستشوره ابخ عليه موية ورد واستشور لان المويه تعطي لمعه للشعر ..
وبعد الأستشوار احط كرستال ..
وبس اتمنى اكون افدتكم بطريقتي بالعنايه بشعري...
واتمنى من الكل يحط طريقته عشان نستفيد منها..
سبحان الله وبحمده عدد خلقه ورضا نفسه وزنة عرشه ومداد كلماته..
لااله الا الله وحده لاشريك له له الملك وله الحمد وهو على كل شيء قدير..
استغفرالله العظيم الحي القيوم واتوب اليه ..
..
أختكم كتكوته..