طريقتي سهله و نعوومي في ثبات عطري

السلام عليكم ورحمة الله وبركاته
اخباركم اخواتي عساكم بخير

طريقتي في تثبيت العطر سهله وااايد بشكل عام انا اخذ طقم العطر كامل وهذا شي معروف لنا كلنا انه اثبت للعطر غير شعور الرفاهية والتدليل والانتعاش
اول شي انا اكره شي اسمه مخلطات وعطور شرقيه مااقربها ابداااااااا تخنقني احس اني كئيبة

احب الروائح فرش وفرفوشة

لذلك لابد من طريقة تثبت العطر
اخذ عطر بشكل زيت لازم قوامه زيتي من بودي شوب مثلا او زهور الريف ..الخ
احطه ورا اذني مسحه اممم بسخاء شوي وارش عليه عطري

ف ايش اللي يصير .. رائحة العطر البخاخ وذراته تثبت على العطر الزيتي

واللي ماتحب عطور بودي شوب وطقته او اللي ماتحب رائحة العطرين مختلفه وكل واحد من نوع
في حركة ثانية اسويها
طبعا عارفين يابنات ان محلات العطور اللي تبيع بالتوله تبيع عطور الفرنسية بس بقوامها الزيتي
بدون تخفيف او كحول .. تقدرين تشترين مثلا توله من عطرشانيل اي عطر تحبينه بدوون اي اضافات من عود او مسك او مخلط (للي مثلي ومايحبونها ) تاخذينه نفسسس العطر بالضبط يعني كوكو مدمزيل تاخذين كوكو مدمزيل

وتسوين طريقتي تاخذين منه مسحة الزيت خلف اذنك ورشي عليه بحيث مطقمه نفس الزيت والعطر من نوع واحد العطر وشوفي (ممكن خلف الاذن اواي مكان تحبين )

ماترووووووووووووووح لان طول ماالزيت العطري لاصق بجلدك طول ماذرات عطرك لاصقه فيه




اتمنى مايكون موضوع مكرر واتمنى يكون مفيد وقبل ماانهي الموضوع اعذروني لو تاخرت بالرد
لان دخولي من وقت لوقت
دمتم بحفظ المولى
سلام