السلام عليكم ورحمة الله وبركاته
خواتي بنات حواء ..
بعد تفكير وتردد قررت اضع بين ايديكن تجربتي في معالجة شعر بنتي ( 18 سنه )
التي كانت تعاني من تساقط الشعر بشكل فظيع حتى انها مقدمة الراس عندها اصبحت لاتحتوي الا على شعيراااات قليلة... وجلدة الراس صاارت واااضحه جدااا...
بالاضافة الى انه شعرها باااهت و غير صحي وغيرحيوي و.....جااف ومايطوول بسرعه
بالاختصااار المفيد شعرهااااا كاااان ميت بكل ماتعنيه هالكلمة ...
وراثيا شعورنا زينه ... وبنتي هذي بالذاات شعرهاااا كاان كثيف ...ونااعم مثل الفلبينيين ...لكن مادري شصاار فيه... :(
طولتهااااا والموضوووع اساسا طويل ...
بديت معاها في برناااامج من اختراعي ...بعد بحث وتقصي بكل محتوياته...
ورااح اقوولكم عن كل شي بالتفصيل الممل...
واشهد الله على كلامي..بانه كل ماخطته ايديني مجرب مني شخصيا على بنتي ... وان كاان يضر كااان ضر بنتي بالاول
وشعر بنتي تحسسسن بنسبة 80 % مابي اباالغ واقوولكم 100 %
وطلع لها شعرررر صغييير ....واقسم بالله انه المسااحات الفااارغه تغطت بنسبة كبيييييرة....
والاروع نعووومة الشعر ولمعاااانه والحيوية اللي فيه ...حتى انهاااا صااارت دايمااا تفكه بالبيت ...من الفرحه :)
قبل ما حط البرناامج
اطلب منكم طلب ...
أي اخت تبي ترد علي وعندها نقد يكوون نقد غير جاارح ...لانه بعض الاخوات الله يسامحنا كلنا عندهم اساليب عجيبه...فاللي مايعجبها موضوعي ...تكتفي بالقراءة ...جزاها الله خير
واللي تقرا ويعجبها موضووعي لاتبخل علي بكلمة جزاك الله خير...
او دعوة خالصة بظهر الغيب
عطوني فرصة لانه البرنامج يبي له شرح ...
وانا كمبيوتري عطلاااان ..وقاعده اكتب لكم باللاب توب اللي كل شوي يعلق عندي...
وتوني كااتبه الموضووع بالوورد ...وعلللق معاي ...ورجعت اعيده مرة ثاانيه
مااالنا غير الاجر ان شاااء الله
ممنوع منعاااااا باتاااااا استخدام الاستشوار ..في فترة العلااااااج
ممنوع منعااااااااا بااتااااا استخداام شامبو 2 في واحد ..او أي شاامبو فيه بلسم
يفضل بعد غسل وتمشيط الشعر انك تعجفينه ..تضفرينه ....يعني تسوينه ظفيرة
استخداام مشط اسناانه وااسعه...وعدم شد الشعر اثنااء التمشيط ...شوي شوي عليه.. :(
واذا كان صعب التمشيط ...استخدمي كريم لتسهيل العمليه
يفضل انك تسوين جدول خاص بالتاريخ واليووم ...عشان تتذكرين ...
انا كنت مسويته لبنتي ...احيانا ما احط الخلطة باليوم المقرر ...يصير عندي ظرف ...اعدل بالجدول واضبطه