كيفكم صبايا اخباركم :26:
جبت لكم اليوم طريقة كباب لذيذه جدا بشهادة الكل :p
بعد معاناه في تجربة طرق كثييره اخيرا توصلت لطريقه سهله
نبدء مع المقادير :
لحم مفروم
بصل
ثوم
زنجبيل
فليفله خضره
كزبره او بقدونس حسب الرغبه
فليفله حاره اختياري
بهار - لومي- هيل مطحون
صلصه
3 شرائح توست
نص ليمونه
2م كبار زيت زيتون
1م خل
الطـــــــــريقه:
نخلط البصل والثوم والزنجبيل والفليفله البارده والحاره والتوست والليمون والخل وزيت الزيتون في الخلاط
وماننسى البقدونس والكزبره
ناخذ اللحم ونغسله ونصفيه من الماء ونضع معاه الملح والبهار واللومي والهيل والصلصه مع الدعك بعدها
نضيف له خليط البصل
نكور الكباب ونحطه في صينية الفرن ونغطيها بالقصدير لمدة 40 دقيقه بعدها نفتح القصدير ونحمر الكباب من فوق
واذا حبينا نحط عليها شرايح جبن
وتقدم مع السلطه والبطاطس
اتركم مع الصور
لاتنسوني من الدعاء
الله يعطيكي العافية
مشالله تبارك الله
مشكورة وماقصرتي
عواااافي