طريقتي في الاحتفاظ بالبقدونس و الخضار الورقية بالثلاجة لفترة طويلة.

السلام عليكم 
حبيت افيدكم بتجربتي مع البقدونس و الكزبرة و النعناع و غيرها من الخضروات الورقية و كيف اخليها لمدة عشرة ايام الى اسبوعين بدون ما يتغير شكلها و كأنك توك شاريتها

طبعا الطريقة آخذ حزمة البقدونس و ألفها بقصدير و اسد كل المنافذ يعني تغطي البقدونس كامل مايطلع منه شي و حطيه بالثلاجة وكل ما احتجتي شي منه فكي اللفة وطلعي ع قد حاجتك ولفيه مرة ثانية بنفس القصدير

والله مجربه هالطريقة للبقدونس و الكزبرة و الشبت و النعناع ومرة رووووعه

لكن فوق اسبوعين اتوقع تبدأ تذبل و تصفر. 

أمي جربت الطريقة للموز و طبعا كلكم عارفين الموز يخرب بسرعه فصارت تلف رزمة الموز بالقصدير كامل ولا تخلي منافذ مفتوحة ابداً و الله الموز طول جلس عشرة ايام تقريبا بدون ما يخرب 

بس اهم شي في طريقة القصدير التغطية الكاملة المضبوطة و اكرر ما يكون فيه منفذ يدخل منه الهوا البارد لازم تغلفينه بإحكام. 

اتمنى تجربون و تستفيدون من تجربتي.