طريقتي في الاستغفار للي سألتني ولباقي البنات

السلام عليكم ورحمة الله وبركاته
شخباركم اخواتي ؟ علومكم ؟
طبعا امس كتبت موضوع عن تجاربي مع الاستغفار :)
فقلت بوريكم طريقتي
وردا على العضوه اللي ارسلت لي رساله خاصه بعد عن هالموضوع
طبعا انا كان ف بالي عدة شغلات
ان ربي يرزق ابوي ويرجع يشتغل ان ربي يبعد عني الشخص اللي ماابيه وان ربي يرزقني في شغلي بالاستايلات ويجيني عملاء ويرزقني بوظيفه راتبها حلو انا واخوي
اول شي كنت متأكده مليون ب الميه ان ربنا بيحقق لي امانيا عاجلا غير اجلا لاان مافي شي صعب على ربنا
كنت وانا ادعي متأكده من هالشي وادعي وواثقه ان اللي ابغاه بيصير بااذن الله
واهم شي كنت ادعي لغيري مثل ماادعي لنفسي
واتذكر صحباتي واللي اعرفهم من قريب وبعيد عندهم مشاكل وادعي لهم معاي
طريقة استغفار :
المقادير :)
مسبحه ابو 200 حبه
مطبخ فيه طاوله ب النص
مصحف
الطريقه :
اول كانت عندي طريقه ودحين طريقه ثانيه
طريقتي الاولى كنت اقرأ بعد كلا صلاة 50 ايه من سورة البقره واامسك مسبحتي في الوقت اللي اكون فاضيه فيه واروح المطبخ استغفر 1000 مره وانا ادور حوالين طاولة المطبخ
بين كل 200 وحده ادعي ربي بكل الدعوات اللي ابغاها مثلا ربي يبعد عني اللي ماابغاه ويرزق ابوي وكل الدعوات ولما اجي استغفر اتخيل ان فيه بيني وبين الله حاجز اللي هي ذنوبي واتذكر ذنوبي واتخيلها قدامي مثل الحاجز ودعواتي واقفه تحتها
وكل مااستغفر ينمحي هالحاجز شوي شوي عشان دعواتي تستجاب بااذن الله
هاللي كنت اتخيلو واتذكر ذنوبي اللي دايما اسويها مثلا سمعت اغنيه استغفر ربي ع اللي سويته وافكر ان هالذنب هو سبب ف عدم تحقيق ربي لدعوتي ف بكذا يعني استغفر من قلب
وللمعلومه اللي تبدأ تستغفر دايما تفكر ف الذنب مليون مره قبل لاتسويه والاغاني سبحان الله كرهتها من يوم بديت استغفر
وارتاح شوي ساعه ولاساعتين وارجع اسوي نفس الشغله
الطريقه الثانيه : اشيل مصحفي ومسبحتي واروح للمطبخ ملاذي الامن :) اقرأ 50 ايه من سورة البقره بتدبر ولما اخلص اقفل المصحف واستغفر 600 مره وادور حول الطاوله وبين كل 200 وحده ادعي ربي كل الدعاوي اللي ابغاها
ولما استغفر افكر ف ذنوبي اللي سويتها وانها سبب في عدم اجابه دعواتي اللي دعيتها بعد ماخلصت ال 200 حبه وبعد مااخلص ال 600 اجلس واجيب كاسة مويه واشربها وارتاح وابدأ اقرا كمان 50 ايه من سورة البقره بتدبر وارجع تاني واستغفر 600 مره
الين مااخلص سورة البقره واحيان اقرأ نصها والنص الثاني بوقت ثاني وبنفس الطريقه
طبعا لاتقولوا الشغله متعبه والله العظيم انها تسليه وتشغلي وقتك بشي مفيد
وغير كذا تنحفي من الدوران انا وزني 36 وماما وبابا مايبوني امشي خطوه عشان لااختفي :)
أحنا اصلا اغلبنا جالسه ف البيت طفشانه مو عارفه ب ايش تشغل وقتها والله العظيم اني بعد ماصرت اطبق هالبرنامج صار وقتي مشغول وفرحانه من هالشي ومااقدر الحق
واخطط بهالوقت اروح استغفر واقرأ
وبعد لاتقولوا طول الوقت استغفر واقرأ قراءن تعب ... بعد عندي وقت اتسلى فيه اتفرج مسرحيات كثير انا واتسلى اسولف مع اخواني اتريق مع بابا الله يخليه لنا اطفش ماما التلفزيون طبعا كرهتو من بديت استغفر
ادخل النت اسولف مع صحباتي اسوي استايلات مطلوبه مني
الاستغفار ال 1000 مره ماتاخذ مني نص ساعه واقول " أستغفرُ الله "
وطبعا الدعاء ف السجود مهم وف اخر الليل يعني ع الساعه 3 و 3 ونص وانا اكون ادعي
مو شرط احفظ ادعيه انا كذا من عندي اقول كم اسم من اسماء الله الحسنى واصلِ على النبي وادعي
كني افضفض لااحد واحيان ابكي واحيان لا بس ادعي من قلب
واقسم وقتي صح
وللمعلومه يابنات ان عندي حسن ظن بربي كبير جدا وهذا اهممممممم شي
يعني خذوها معلومه مافي شي صعب على ربي .. اللي خلق السموات والارض صعب عليه يحقق امانينا الصغيره ..؟
اكيد لا
والله العظيم ان دعواتي ولله الحمد بعضها استجابت ف اقل من شهر من بعد الاستغفار قولوا ماشاء الله حبيباتي
يعني مو لازم مثل مانسمع دايم بعد شهرين او 3 او 4 او سنه او سنتين
ربنا كريم ترى

وابشركم اليوم كمان اتحققت امنيتين من امنياتي الحمد لله ومره مبسوطه
سبحان الله يابنات والله العظيم ان بيتنا تغيير عن زمان وربي فتحها علينا وكل يوم جالسه اشوف الادعيه اللي كنت ادعيها تتحقق قدام عيني وكل يوم نسمع خبر حلو قولوا ماشاء الله وماانسى فضل الله على واجلس احمد الله على النعمه
اهم شي لما تشوفي ادعيتك استجابت تحمدي ربك وماتنسي فضله
غير الراحه النفسيه الرهيبه نصيحه اللي تحس نفسها مضايقه من حياتها ونفسيتها تعبانه
تمسك المسبحه وتستغفر وتقرا سورة البقره وتشوف كيف النفسيه تتعدل والرزق والاخبار الحلوه تجيها من كل مكان وحالها ينعدل
والله العظيم انا كنت في غفله ولاكنت صوب الدين بس اصلي واحيان اطنش صلوات
بس النفسيه كانت زفت وتعبانه واحس بضيق وكل شوي ابكي
من بعد مابديت اتغير والتزم صارت النفسيه حلوه حتى الدموع ماترضى تنزل هههه الاوانا ساجده لربي

ايه وعن سالفة الزواج خذوها من مجربه
يابنات لاتفكروا ف الزواج كثير انا اشوف ب المنتدى بنات بيجننو عشان يتزوجو
ب الله اسألي اي وحده متزوجه قريبه منك وصريحه قوليلها اذا رجع بيكي الوقت لورا وقالولك تتزوجي او لا شوفي اش ترد

لدحين سألت 5 وكل وحده قالت لي والله ماكنت تزوجت الزواج تعب
وطنشوا الحريم اللي ماعندهم شغله غير يطفشوا البنات ليش ماتزوجتي للحين والاسئله اللي مالها داعي
والله غييييييييييره غيره ودهم تتزوجي مثلهم وتتعبي
وعلى فكره ترى اللي ماتفكر ب الزواج عرسانها يكثروا ماادري ليش سبحان الله :27:
اما اللي تشغل نفسها بهالشي احس مايجيها مثل بنت عمتي من هي وعمرها 19 سنه وهي تقول تبى تتزوج
واي احد تشوفه تقوله ادعيلي وابغى اتزوج وابغى اتزوج وتزوجت وعمرها 40 لنها كانت تفكر ف الزواج كثير

بس هاللي حبيت اقوله بنات ادعولي ربي يحقق باقي احلامي :27: ويبعد عني الشخص اللي ماابى اتزوجو خلال هالشهر ويشيل حبي من قلبوا واهلي مايغيروا رايهم لاتنسوني
ومعليش طولت الموضوع كثير بس حبيت تستفيدوا
واذا فيه غلط ف موضوعي او لفظ قلته غلط نبهوني حبيباتي
وشكرا للي ارسلوا لي رسايل خاصه فديتكم ربي يسعدكم وحده وحده
واللي عندها نفس مشكلتي استمري ع الاستغفار وشوفي كيف ربنا بيبعدوا عن طريقك مثل ماصار معي
وانا كان موضوعي صعب وبفضل الله افتكيت
وبس قولوا ماشاء الله ربي يسعد قلوبكم
احبكم ف الله