بالاول يا حلوات رح اعطيكم طريقة عجينة جد رائعة وتطلع مثل القطن وكل من ذاقها اخذ مني طريقتها حتى الوالدة الله يطول بعمرها صارت كل ما بدها تعمل عجينة تعملها عطريقتي
مقادير العجينة :
ثلاثة كاسات وربع طحين
سكر بقدر فنجان القهوة
زيت قلي بقدر فنجان
ملعقة كبيرة باكنج بودر
ملعقة كبيرة خميرة فورية
ملعقة صغيرة ملح
اربعة ملاعق كبيرة حليب بودرة
ماء دافيء للعجن
.....................
الطريقة:
نضع كل المكونات معا بدون الماء لما تخلطي الكل ديري الماء شوي شوي واعجني لحدما تتماسك العجينة وتسير طرية
الافضل تعجنيها لمدة عشر دقائق عالاقل
اتركيها ترتاح ساعه
.......................
بالنسبة للبيتزا طريقة ولا اسهل
ابشري بصلة وصفّيها من ميّتها وعالغاز حطي بالقدر شوية زيت قلي و قلّي البصل ابشري حبتين طماطم واضيفيهم عالبصل وحركيه مع رشة ملح وفلفل اسود وملح وكمان رشة زعتر ناشف (اوريغانو) يعطيها طعم رهيييييييييييب وضيفي
شوية كاتشب حركيهم عالنار لحدما تتسبك الصلصة
افردي العجينة بصينية مدهونة بالزيت
حطي فوقها الصلصة وقطعي التيركي شرائح طولية
افرديها على الصلصة ورشي فوقا جبنة الموزريلا المبشورة ودخليها الفرن لحدما تتحمر العجينة من تحت بعدها خليها تستوي من فوق والجبنة تسيييييييييييييييييح
ولا الذ من هيك وصحة وهنا
يلزم عليك تسجيل الدخول أولًا لكتابة تعليق.
عاشقه البحر 1425
•
يعطييييك الف عافيه
مشكوووووره ع الوصفه ^_^ ..مشكوووووره ع الوصفه ^_^ ..
تسلم الايادي
الصفحة الأخيرة