اليوم رااح اقوولكم تجربتي واشلون قهرررت التقصف اللي من مدددددده قااهرني
كل شي جربته على شاان اقضي على هالتقصف
كل انواع الزيوت والخلطات حطيتها ....صح يصير الشعر له بريق وروونقه الخاص واتلاحظين اثر الزيوت عليه
لكن انا مو محتاجه نعوومه انا محتااجه شغله تفكني من هالتقصف
اللي مهما قصيت اطرااف الشعر يررررد التقصف خلاال شهرر
وانا بناات اقص عليكم لو اقوولكم اني مو انا السبب في تقصفه
لاني وحده مااا استغنى عن البليااج والصبغه وهذا لهها اثرها على
الشعر وكلكم اتعرفون جذي
المهم صرت امسح شعري مسحه خفيفه بعد الشور (الحمام) بكريم بالمرز ورااه على طوول امسح بجنسينج (طبعا انا بس الاطرااف احط عليها)
ولااحظت التغير من الاسبووع الثالث
ووانصدمت يووم شفت اطرااف شعري صاارت ااااااااااااااانعم
والتقصف نصه رااح واللي موجود اتحسين نااعم ولييييييييين
واستااااااااااااانست والكل لاااحظ ان شعري تغيرر وصاارت
فيه حيووويه وبدوون التقصف
وجربته على بنووتي الصغيروونه 3 سنوات مسكينه تكسر الخاطر
اختها اللي اكبر منها شعرها نااعم ويتكتكت على وجها
وهي تمووت من القهر اذا سرحت شعر اختها وقصيت لها قصه وهي لأ
وتبكي تبيه مفكووك ..(والله لو افكه لها اتخرع العالم بالشاارع)
وداايم اربطه لها عنقوصين
قلت خلينا اجرب على شعرها لانه هو اصلا مو حلوووو(هذا الكلام من اسبوعين)
صح فيه نوعوومه بس ينننننننننننننننننننفش اذا ما تسشور
وينفش بالرطووبه وهو مسشور
والله والله ياابنات اني من حطيته عليها وشعرها صااير
يهبللللللل ويثبت اكثر بالسشوار (اول لاسشوار ولا غيره)
وكل من شاافها يقوول شعرها متغير 180 درجه
وهي مستانسه وبدينا انفكه وانحط لها بااند وتااج
بس (عااد مو اقلبه من خشن لنااعم اكذب عليكم لو اقوول جذي)
خلااا فيه حيووويه ويضبططططططط بالسشوار ولا يتأثر بالجوووو..........
والشعره صاايره طريه وغير نااشفه بعد الحمام
اما انا راااااح التقصف نهائيا
وعلى فكره ياابنات انا ادهن فيه شعر بنتي كله ( اول شي مسحه بالمرز وبعدين جنسينج)
بنات لا اتحطونهم وشعركم نااشف لانه راح يدهن ... حطيه او ل ما تطلعين من الحمام
وشعرك مبلوول ... اولا بالمرز وبعدين جنسينج ولفي شعرك بالفوطه
وهذي الطريقه اتخلي الشعر يمتص المغذي الموجود في بالمرز ويكسبه جنسينج نعوومه
ولااا راح اتحسين انك حااطه كريم ابدددداااااااا
وهذي صورهم
وبالنسبه GINSENG ينبااع في الديره عند محل الفلبينيات اللي يبيعون اغلب شي شغل فلبيني
تلقين محلهم فوق اولادنا بالديره
و PALMER' S تلقونه عند الصالونات الرجاليه (بس اذا مالقيتيه لاا تاخذين أي مغذي يعرضه عليج لاني صاارلي نفس هالموقف وطلع المغذي مووحلو ويدهنننن الشعر وانا مو نااقصه دهن وبعد ثقيل
وواتحصلونه عند الميره يجيبون منتحات بالمرز والموعد(هذا بالنسبه لبنات الكويت)
اما اهل السعوديه انا سمعت انه متوفر عندكم بالصيدليات (هذا بالمرز)
اما جنسينج والله ما ادري بس ان شاء الله انه موجود