طريقتي في الزربيان (البرياني )بحريني على هندي على يمني

طريقتي في الزربيان (البرياني )بحريني على هندي على يمني


السلام عليكم يا بنات
انا صحيح مومتابعه باستمرار هالصفحه لكن احبها واحب
اعطيها من طبخاتي الخاصه
هالمره معي زربياني الخاص والكل يمدح عليه ولو سويتوه خطوه خطوه معي الكل ان شاء الله بيعجبه هالنوع من البرياني
المقادير
1-دجاجه مقطعه ارباع
2-زبادي علبتين المراعي او أي نوع اخر
2-3بصلات شرائح محمره في الزيت
3-3بطاطسمنصفه ومحمره في الزيت بس محمره مو مستويه
5-ثوم +ورق نعناع +ربع حزمة كزبره خضراء
6-3كاسات ارز نص استواء
7-بهارات جافه وحبوب (قرفه +فلفل اسود +كزبره ناشفه+هيل+قرنفل+ليمون اسود)
8-نصف كاس حليب +ربع كاس ليمون
9- فحمه محمره في النهايه +فنجان زيت او اقل
10-زعفرن وماء ورد
الطريقه
لاتخافون من المقادير اهي مرقمه بس والطريقه سهله وايد
قبل الطبخ بساعتين جيبي الدجاجه +البهارات الجافه كلها وحطيها في قدر كبير
واخلطي الزبادي مع الثوم والنعناع والكزبره في الخلاط وضعيها فوق الدجاجه النيه وسبكيهم زين واتركيهم لمدة ساعتين مع التقليب (ما في نااار)
خلاص هاتي البصل ورشيه فوق الدجاج والبطاطس
بنات لاتنسون الملح مع الدجاج
الطبقه الثالثه الارزفوق المقادير السابقه
ورشي الزعفران وماء الورد
الارز نص استواء حبات تنبيييييييه
واحكمي الغطاء وضعيها على نار هادئه جدا
لمدة ساعه الاربع
وفي النهايه ارش الحليب فوق الرز ومن جهه اسكب الليمون
واجهز الفحمه المحمرهواضع الزيت في وسط ارز في صحن صغير
واضع الفحمه على الزيت وبسرعه اغطي القدر زين
5دقائق واطفي النار


وللتزيين بصل محمر +صنوبر+زبيب
والسلطه اللي مع هالطبق زبادي مع فلفل اخضر وكزبره زنعناع وفص ثوم وبالهناء والعافيه
واي استفسار انا حاضره
وقت التقديم اقلبي محتويات القدر كله في صحن واحد وزينيه
:19: :19: