طريقتي في العناية بالخياطة وجرح الولادة

:)

مرحبا فيج ..............................

والله في مشكلة عندي وهي مكان خياطة الخيط لهذه المنطقة..................

الحين هالمنطقة أحسها مفتوحة أو منطرة ..............................(اسمحي لي على الكلمة)

بس علشان التوضيح أكثر ألحين يا أختي أريد حل بأي طريقة والله اترجاكي يا أختي

والله مضايقة بشكل ما تصورين ...............................انتظرج بفارغ الصبر

مشكورة الله يوفقك

متى يلتأم الجرح انا كل يوم بحط مطهر خاص موصوف وكريم ميبو بس لسى الجرح ما التأم ليا 35 يوم تتوقعي في مشكله ومع الامساك ينزف

شكراً على مروركم الكريم

أختي نبراس اليقين مافهمت شو تقصدين...هل تقصدين إن الجرح ما إلتأم أو إنه إلتأم بس شكله كأنه مفتوح...إذا بعده ما التأم استعملي مرهم ميبو كل مرة تروحين فيها الحمام (تكرمين) وحاولي طول الوقت تخلين رجولج مسكره على بعض وملمومه ..وعند قضاء الحاجة دايماً اقبضي الجرح يعني حطي إيدج على الجرح على شان مايفتح...ومع الوقت بيختفي الجرح..بس إنتي كم صار لج من ولدتي

أما إذا كان الجرح ما التأم احتمال يكون من طريقة الخياطة يعني طرفين الجرح لازم يكونون متوازيين يعني مب طرف فوق طرف حتى يلتئم الجرح بسرعة وبطريقة صحيحة...بس مع الوقت بيختفي أثره لا تخافين...في ولادتي الأولى كان الجرح عندي مثل ما قلتي شكله مفتوح بس مع الوقت إختفى..وفي ولادتي الثانية الدكتورة اللي خاطت لي ما خاطت عدل يعني طرف فوق طرف فالجرح من الخارج مافيه شي بس من داخل المهبل كان مسوي زوايد لحمية وصديد واضطريت إني اسوي كوي عند دكتوره ثانية وشالت لي الزوايد...وفي ولادتي هذي شكل الخياطة مضبوطه بس إن شاء الله بروح اكشف عليها عند الدكتورة بعد ما أطلع من الأربعين بإذن الله...

أختي faia استخدمي الـ Mercurochrome الأحمر مع كسرة صغيرة حلتيت (احنا نسميها في الإمارات خِيلْ) يعني حطي كسرة صغير في زجاجة الـ Mercurochrome وتداوي به يداوي الجروح بسرعه...وأهم شي عالجي الإمساك لأن الضغط القوي يخليه يفتح ويأخر إلتآم الجرح...وإذا طاحت الخيوط اجلسي في ماء دافي وملح خشن..وجربي منقوع المرة وايد زين يمنع الإلتهاب...ومثل ما قلت وقت قضاء الحاجة دايماً اقبضي الجرح يعني حطي إيدج على الجرح واضغطي عليه على شان مايفتح...هالطريقة الدكتورة قالتلي عنها..