شوفي
الحمام الله يكرمك خليه كله بخار او ادخلي بحمام ساونا المهم يكون حمام بخار
انا عني اجيب جهاز البخار واحطه بالحمام الين يمتلي بخار
بتجيبي سنفرة كاب <<اسمها كذا علبتها بيضاء وذي صورتها
خذيها وحطيها ع جسمك شوي همن افركي بها جسمك وانصحك بالليفه القفازات الي ببيدي شوب وخذي من السنفره وافركي جسمك فرك الين تخلصين وبعدها اغسلي جسمك عادي وراح تشوفي كيف النظافه
بعدها اجيب صابون مغربي
واخذ بيدي وافرك بحركه دائريه من اول اصبع الين اخر رجلي بحركه دائريه الين يتحول لونه من بني الين ابيض بكل جسمك بتطولي ايه بس بعدها راح تدعين لي
وبعدها خذي الليفه المغربيه وافركي من اول مكان بديتي بجسمك الين اخر شي بعدها بتشوفي وساخه نازله منك بالهبل <ترى ذي طريقة المغربيه علمتني مغربيه بمشغل وطبقتها وربي روعه الله يفتحها بوجها بكل خير باي مكان تروحه ويرزقها حتى ترضى
ولو حابه اخر غسله تستخدمي صابونه الكركم خيال هالصابونه للوجه الجسم وربي تفتح وتبيض والكل راح يلاحظ وتصفي البشره
وبعدين انصحك نصيحه لوجه الله
ادهني جسمك باي كريم الفازلين بالكاكاو
او بقولك خلطتي والكل وربي يسالني وش استخدم
اجيب علبة زيت جنسون للاطفال وابشر فيه مكعب المسك من عبدالصمد القرشي +شويه مسك ابيض+شويه مسك اسود<فائدته طارد للجن لانهم يكرهو ريحة المسك الاسود يعذبهم
المسك الاسود
المسك الابيض
مكعبات المسك
واخلطهم واخليه بعلبتها
وجيبي بودرة الاطفال اكيد تعرفيها حقت جنسون
بعد الترويش بعد ماتمسحي بالمنشفه ع طول وجسمك حار <<لان بعد الترويش وجسمك حار يمسك الريحه بالجسم وتطول بالايام
وبعد ماتتدهني بالزيت
رشي عليك البودره بجسمك كله وركزي ع الابط تحت الصدر بين الرجول من ورى المهم تحرصي جسمك يمسكه البودره مع الزيت والبودره ريحتك ريحة اطفال وكمان ريحة روعه مع المسك
من تحت يابنات اجيب صحن احط فيه مويه حاره وشويه مسك اسود قطرات وكمان مسك عبدالصمد القرشي المكعبات ابشر شويه
اجيب شاش اقص قطعه طويله ادخل الحواف ع داخل عشان الخيوط ماتتنسل وتطلع برى واثنيه همن ابرمه مثل الاصبع اتمنى فهمتو الطريقه المهم يكون طويل شوي ومافيه اي خيط طالع برى من الشاش
واسوي لي كم وحده 5 او6 حبات
انقعهم بالمويه الحار المخلط فيه مسك اسود وجحر
اذا انتي متزوجه دخلي الشاش داخل باصبعك عشان تتطهري المهبل وطلعيها وكبيه بالزباله انتبهي ترجعي تستخدميها لان الاوساخ الي طلعت بالشاش لو رجعتي استخدمتيها بتوسخي الصحن وكمان راح ترجعيها بالارحام لو استخدمتيه مره ثانيه
وخذي شاش ثاني وكمان نقعيه بالصحن وارجعي دخليه ونظفي المنطقه من داخل
والله مامنها مضره لاتخافو ابد
وبعدها نظفيه من برى بشاش جديد من الامام للخلف انتبهو مو من الخلف للامام تسحبي اوساخ المنطقه الخلفيه لقدام وتعدمي نفسك بالامراض
وامسحي الشفرات وامسحي من ورى بالمسك
والباقي من المسك كبيه بفوطه صحيه الله يكرمك وخليها عليك كم ساعه والله والله ان تجلسي فتره ريحة بولك الله يكرمك مسك واصلا ذا من السنه بعد كل دوره تتبعي اثر الدوره كم قال صلى الله عليه وسلم بما معنى الحديث
اما البنت الي ماتزوجت نظفي من برى برى اصحي تدخلي داخل طريقتي الي قبل للمتزوجات
بعلبه تطحني شبه+مسك حجر<<مو مسك القرشي لا كل هالاغراض عند العطار وانتي اطحنيها بنفسك انظف لان العطار يمكن يخلط معها شي او ماتكون نظيفه او قديمه
بعد الطحن وكميات متساويه
حطيها بعلبه وبعد الترويش خذي من البودره للابط ممتاز ينظف الابط ماله ريحه والاهم مع الايام يفتحها
رجولك ويدك انصحك بهالخلطه روعه قليله فيها وربي لي سنين عليها واسويها لاخواتي واهل زوجي والي يطلبني
بعلبه اخلطي 2 م ك جلسويد <الاحمر+2م ك فازلين+1 م ك فكس <م ك <اقصد ملعقه كبيره
اخلطيها مع بعض بعلبه واستخدميها رجلك ويدك ترطب بشكل خيال وتبيض وانصحك تلبسي شراب برجلك اذا استخدمتيها عشان ترطب رجلك مره وتنعمها وتبيضها
فيه قناع روعه قليله فيه للبشره م ك حلبه مطحونه +2 م ك زبادي اخلطيهم وحطيهم ع بشرتك الين تنشف الخلطه وهمن بالمويه شويه فرك الين يروح القناع مو تغسليه لا افركيه وهو بيروح واذا نظف وجهك منه اغسليه وخذي شويه مويه ورد دهني وجهك به
<<صورة الحلبهازيد عليها شعري كنت استخدم له زيت اشتريه من وحده هنا بالنت روعه كنت اخليه سبع ساعات واغسله
من بكره اسوي خلطة حنا
احط ببراد مويه ونسكافه وبابونج وعويدي ومراميه وبصل وثوم واي شي بصراحه اعرف انه راح يفيد شعري
وبعد ماتطبخ وتبرد اكبه بعلبه واضيف له زبادي وسدر مطحون وبيضه وزيت ومحلب مطحون مو حلبه انتبهبو محلب وفيه فرق بين الحلبه والمحلب ترى والحنا واخلطها واخليه شوي وبعدها احطها ع شعري 7 الى 5 ساعات همن اغسل بمويه بس وادهن بزيت اي زيت حلو للشعر 4 ساعات همن اغسله بصابون
وبعدها بكم يوم احط اي حمام زيت عندك فاشكول وغطيه بنايلون واحط منشفه حاره ع شعري ساعه واغسله
ذا الي عندي ماابي الا الدعوه الطيبه وصلاح حالي انا وزوجي وهديتنا ومايشوف غيري ولا اشوف غيره ويرزقنا الذريه الطيبه ويفك ضرنا بحوله وقوته ويبعد عنا الحساد يارب..
لا تنسوني من الدعوه الطيبه وربي تعبت وانا ادور لكم الصور وانسخها لعيونكم فلا تبخلو علي بالدعوه الطيبه
اذا فيه اي نقطه مو مفهومه برجع اشرحها لكم ترى وربي مو صعب جدا جدا سهل
