والله يا لولاتو جيتي علي الجرح انا في حيره كل يومين اخرج وارجع باكياس من الهدايا وشوف بعد كده ايه الي باقي الاقي ماشاءالله كآني لم اشتري شئ بس المهم عندي الاطفال اشتريت ملابس الاطفال والملابس هنا تجنن وفي نفس الوقت بفكر في لعبه حلوه لكل اسره وشوية اكسسوارات للاطفال
الكبار هم المشكله البنات و السيدات بفكر في ملابس داخليه حلوه والجال لا اعرف ماذا احضر لهم
المشكله في امي وام زوجي وابي وابو زوجي لا اعرف ماذا اشتري لهم وخصوصا اني ان شاء الله هتكون اول سفر لي
بس في فكره حلوه ناويه اعملها وهي اني اجيب شرايط ستان الوان مختلفه وكل هديه مثلا تيشرت وبنطلون طفله اطويهم واضعهم فوق بعض وبعدين الف بشريط الستان واعمل كروت صغيره مكتوب عليها اسم صاحب االهديه واثبتها في شريط الستان ايه رآيكم

ياريت تقروا موضوعي في الحل لمشكلة الهدايا

والله فكرة يا ام منى بس انا كتبت بالشرح طريقتي في توزيع الهدايا أما بالنسبة لأم جوزك جيبلها زي أمك لانها ست كبيرة وتقدر الهدية وطبعاً أنتي كدا تشتري راحتك ودلعلك معاها لاتنسي أم الجوزك وشغالت أهل جوزك وشغالت أهلك لاتنسيهم لازم الهدايا تكون حلوة ومتنوعة أنت كدا بتشتري راحتك..
ربي يهنيكي

معليش يا ستات الله يحي الكل والجميع نورتنا وعلى صفحتي نور أن شاء الله نجيكم في الأفراح :icon28: :icon28: :icon28: :icon28: ...
سوري أي كان نوت ريتنج عربك لازم لتر بد حجازي مدني :( ..
بس هذا كلامي وما احب الرزة :arb: :09: ..
واحب الكلام العفوي العامي :) ..
وما احب الكلام الموزن لاني أنا والميزان أعداء أدعولي أتصالح معاه :icon35: ..
ان شاء اقدر أوصلكم الي في قلبي وخاطري :confused- ..
ودمتم سالمين..
لولاتو2002

بسم الله الرحمن الرحيم
الرزاق الكريم ..
يالله يابنات شدو حيلكم ولا تقولو فيننا وفين السفر ان شاء الله الأيام تمر زي الصاروخ ومانحس بيها ..
يالله ياحلوين ركزوا معايا شوية
توزعي في تخصيص نوع الهدايا كالتالي:
1)للستات الكبار زي ستي طقم مناشف فخمة مزركشة أوجزم أو صنادل بس تكون طبيةالله يكرمك.
2)للرجال الكبار زي سيدي جهاز مساج أو ساعات الي تتعلق في الملابس او ساعات بمنبة للراديوا.
3)للبنات الكبار المتزوجين شنط أو طقم عطر وكريم بس يكون مو موجود في بلدنا زية بس طبعا للكبار شنط راكزة وللأصغر شنط مروشنة.
4)للصديقات المتزوجات أقمصة نوم هشك بشك.
5)للبنات من سن 14 لسن 6 سنين بجايم ديذني أو يكون فيها شخصيات زي هالوكتي دورا باربي .
6)للأولاد تيشرتات أو بجايم شخصيات ديزني.
7)للبنات الكاتكيت من شهر لخمسة سنين بجايم بس تكون مقفلة زي البرباتوز بسوستة أو لاكاليك أوملابس أو عرايس غربية أموت في العرايس.
8)للشغالات وهذول أهم حاجة لانهم هما الي بيشالونا ويشيولوا بزورتنا لما نخرج ونروح مناسابات لاغنى عنهم فلازم يوم ماتنزلي تهديها علشان تحطك انتي وبزورتك فوق راسها أجيب لها صندل أوطقم كريمات للجسم أو شنطة.
9)للماما(الأمهات) الله يخليها ويحمها ملابس داخلية طبعاهنا الملابس الداخلية جدا مريحة وحلو أو جزمة أو صندل طبية أوطقم حمام فخم أو ملابس أقمسة أو بجايم مريحة .
10)لبابا(الأباء) الله يخليه ويحميه جهاز فلتر للهواء للمدخنين أو جهاز مساج هنا أشكال وألوان أو شاشة كمبيوتر فلاترون السخيفة النحيفة الرشيقة أو كاميرا ديجتل فيديو او فتو غراف.
والحمدالله من يوم ماأشتري أي شي أطلب أكياس كتير وأتزنون على حقت الحساب واطلب كل غرض في كيس طبعا علشان أكتر الاكياس بذات لو كانت اكياس مركات او اكياس فخمة او حلوة او كانت ماركات ماهي معروفة أنفخ ريشي عليهم وقولهم هذي ماركة مافي أختها عندكم وتكون وال مارت ولا سامس كلاب مثلاً طبعاً مساكين يصدقوا ويتفشخروا على حسابي ومن هنا أوزع الهدايا في أكياس وأكتب الأسماء عليها واحطها في الشنط وان شاء الله يوم ما أوصل أوزع الهدايا كل واحد ياأخذ هديتة مرتبة وكاملة وما اتخربط يعني زي مثلاً هدية فلان تتخربط مع فلان وأنكسف وأنحرج كل واحد يشوف هديتة لوحدة علشان الخصوصية الهدايا الغالية للغالين أنتم فاهمين الهرجة معايا ولا أيه.
ولاتنسوا ان انا من يوم ماافكر في الهدايا اول حاجة اسويها اجيب ورقة واكتب من الي راح اجيبلة هدية واكتب نوعها علشان دائما افتكر ما انسى انا ايش جبت والحمدالله لما يقرب موعد السفر الوقة تكون كلها مشخطة بس لاتنسوا انو في ناس طلباتها تزيد قرب النزلة معايا على الخط ..
لاتنسوا قبل النزلة التلفون يتعب من كتر المتصلين من الناس الي في بلدنا هما طبعا مش بطمنوا علينا هما بيوصواويفكرونا وبيحرجونا على اشياءهم وما يكلفوا علينا..
وياريت يناسبكم التخصيص وربي يوفقنا جميعاً أن شاء الله..
ودمتم سالمين..
لولاتو2002