طريقتي في تخفيف الالام الطلق للبكريات والغير بكريات

السلام عليكم ورحمة الله وبركاته





تصدقوا احس اني لسه مااتعودت على فكره اني ام واني خبره وحركات واعطي نصايح عن الولاده
هههههههههههههههه احس مو لايق عليا
المهم ندخل في الموضوع
انا كنت متابعه لهذا القسم بشده من اول حملي الاول
وقريت مواضيع تحمس ومواضيع تشجع ومواضيع تخوف وكلو فادني
بس الفايده اللي استفدتها من المواضيع اللي تخوف اني خفت اسوي شي من الاشياء اللي سووها البنات ويصيرلي شي او لابني
يعني خفت اصرخ واصرخ وفي الاخير اتعب وقت الولاده وماادفع ويتعب في الخروج او اقفل عليه لاسمح الله وهذا كان اكبر خوفي
ولاني حاولد ومعايا اخت زوجي بحكم انها دكتوره في المستشفى نفسه خفت يصير شي محرج من اخراج او غيره
واحتياطاتي اللي سويتها بالتفصيل
طبعا انا من الثامن كنت امشي بس مشي دلع واي كلام
اتفاجات قبل ولادتي بخمسه ايام تقريبا كنت بامشي في السوق على عجله قبل لاياذن ورجعت لقيت العلامه
اكتشفت انه السر في المشي انه يكون بخطوات واسعه وسريع شويه وقوي يعني تدقي رجلك في الارض
بس كمل وحده وظروفها واي وحده عندها مشكله تتجنب هذا الشي
وشربت خرابيط وخلطات تسهيل وخروع وسويت اشياء كثيره تسرع الولاده بعد ماشفت العلامه
وقبل الولاده بيومين انا كنت خلاص حاسه انها قربت شربت شاي الضيافه اللي هوا سنامكي عشان انظف معدتي
ومن بعدها مااكلت ولا وجبه عشت عالتمر مااكل الاتمر وانما بامشي اكل تمر
المهم ندخل في صلب الموضوع
انا قبل الولاده قريت هنا موضوع مميزه وفادني ونسخته في راسي وماخليته يروح عن بالي
وخلاصه الموضوع انه لازم وقت الطلق تتنفسي وترخي اعصابك لان العضلات محتاجه اكسجين مو تكتمي نفسك او تعصري بطانيه او تجري شعرك لالا تسترخي وطبعا مع الم الطلقه ماتقدري تسترخي وتفردي يدينك كانك قاعده عالبحر لا لازم شي تفرغي فيه المك وغلط مره انك تفرغيه في شي تمسميه بيدك الصح انك توقفي وتسندي عالجدر كانك بتدفيه
زي في سوره مريم في الايه اللي هيا (وهزي اليك بجذع النخلة تساقط عليك رطبا جنيا)
وانا كنت امشي في غرفه الملاحظه ولمن تجيني الطلقه اسوي حركه الجدر وارخي نفسك واسحب نفس
وماما بحكم انها ولدت في امريكا وكانت تمارس تمارس قبل الولاده كان عندها خبره في طريقه التنفس وتنصحني اخرج وادخل بهدوء مو بتوتر وكنت بس اسحب واخرج النفس
على العكس لو ضغطي وشديتي وقبضتي على شي بقوه انتي بتزيدي الالم على نفسك لانك بتحرمي العضله المحتاجه للاكسجين من الاكسجين اكتر واكتر
طبعا تحسي الموضوع صعب بس حاول وحتلاقيه ممكن اهم شي تحطيه في بالك طبعا حتجيكي اوقات ماتقدري وتلاقي نفسك ماسكه حديده السرير او البطانيه او حتى شعرك بس على ذكري نفسك انك بتتعبي نفسك وتضيعي مجهودك اللي محتاجته عشان تساعدي ولدك او بنتك على الخروج
ودورتلك في المفضله عالموضوع ولقيته
اهم شي تنتبهوا اذا حسيتوا انكم محتاجين حمام او شي لازم تنادي احد يدخل معاكي من الممرضات لاني انا كنت حاولد في الحمام وفكيت لنفسي جهاز النبضات ودفيتهم ابغى اقوم ادخل الحمام
لاني حاسه ان شي بيخرج مني وانا احسب اني محتاجه حمام ماادري انه البيبي
انتبهوا يابنات لان كثير ناس ولدت في الحمام
ولاتخوفوا نفسكم واتركوا نفسكم لهم وسلموا امركم لله ولاتفكروا كثير هذا شي ربنا مااسواه لنا وهوا مستحيل اكيد انه شي ممكن وطبيعي والحريم كل سنه بتولد وفي النهاية الشي اللي حيصير عندك غالي ومهم مايجي ببساطه
اتمنى اكون افدتكم بشي من موضوعي
اخ عالذكريات
هذا رابك الموضوع للي حاب يتعمق اكثر
http://forum.hawaaworld.com/showthread.php?t=1679362