طريقتي في ترتيب غرفتي وغرفه عيالي

أخباركم يابنات وكيفكم مع هلقسم الرائع اللي اول ماتفتحينه تشمين ريحه الكمفورت والداوني وعلى طاري الكمفرت والداوني تعالي نظفي معي غرفه اعيالك وتصير كانها جديده بأقل التكاليف 
بنات تحسين مرات لما تدخلين غرفه ان صدرك يضيق حتى لو هي مرتبه والسر هو في الغبار المتراكم
بسم الله على بركه الله نبدا
اول شي حاولي تفرغي الغرفه قد ماتقدرين من الأغراض 
جيبي فوطه مبلوله بشويه مويه وداوني ولمعي الجدران بمسح خفيف  لحد ماتشوفي المعه صح
نزلي الشبابيك واشطفيها في دوره المياه ولمعيها بتايد وباليفه لحد ماتسطع ثمن جففيها ونظفي مكانها زين واكنسي الغبره بعد كذا ركبيها وشوفي المعه بس
اللحين اتجهي للمكيف ونزلي الوجه واغسليه زين والشطفه الاخيره حطيلها داوني واللحين ركبيه وياويلي 
على النظافه
الستائر اكون مغسلتها والشطفه الاخيره بداوني ثمن اكويها وأعلقها ياااااااااااااازين ريحه النظافه
واللحين أجي للارضيه اذا كانت موكيت اكنسها بعمق يعني من تحت الدواليب والزوايا اما اذا كانت سيراميك
فحطي مويه وتايد وشويه كلوركس وشويه عملاق اخضر وليفي السراميك زين والشطفه الاخيره بمويه وشوفي 
اللمعه وقتها تحسين الغرفه خفت  ونفسك ارتاحت
بعد كذا تبدين ترتبين الدواليب وتحطين كل مجموعه مع بعض طبعا أنا افضل الارفف في الدواليب عمليه وسهله
في الاستخدام وكلمه روعه في حقها قليل 
عاد تسفطين البناطيل في رف والسبورات في رف           وزي كذا
السر الخطير الا أنا مطبقته اي شي صار له سنه ماستخدمتيه يعني كريم   لبس.  اي شي على طول صرفيه
لا يدخل الغرفه وحاولي تصفي الملابس واللي قدم او صغر او ماناسب علئ الجمعيه 
اللحين خلصنا جهزي البخور وبخري الغرفه وقفليها وارجعيلها بعد ساعه  واااااااااااااااااااااااااااااااو
مرح تصدقين انها هي الغرفه اللي قبل شوي
يالله بنات اللحين اترك الدور لكم 
واللي يعجبها  موضوعي تدعي ربي يحققلي اللي بالي