مساكم ورد :26:
شخـــــــباركن ،، حبيت أعرضلكم طريقتي
في تنظيف بيتي وطريقتي فالترتيب .
قبل كل شيء أبغي أقولكن إنه ما عندي خدامه
فــ بدون خدامه = راحه نفسيه + تعب جسدي ^-^
وعندي ماشاء الله تبارك الرحمن عيااال في حد فالمدرسه وعندي أطفال صغار فالبيت الله يحفظهم .
برفق الموضوع صور من النت عشان أقرب لكم الفكره ،، مع العلم صورت كذا صورة ولكن للأسف الكيمرا فيها خراب .. بس أوعدكم قريييييييييييب جدا بنزل مواضيع من تصويري "باخذ كيمرا جديده
إن شاء الله ":)
بسم الله نبدأ :
في أشياء أبدئها من الليل :
أول شيء :
وإنتو بكرامه " الزباله " أجـــــمع كل الزبايل من الغرف وأربط الكيس وأطلعه برع ،،
قبل ما أرقد أكون مخططه شو بطبخ ع الغدأ وأجهز من الليل مثلا أطلع الدياي أو اللحم من الفريزر إلى البراد .
أكون مجهزه الملابس "اليونيفورم" قبل ما ما أنام ،، والشنط داخل سيارتي من " الليل " .^^ .
(()(()()((()()))(())
الصبح :
بعــــد ما أوصل عيالي المدرسة أرجع البيت وأسوي ساندويتشات لعيالي الأطفال وأرضع البيبي "اللحظه اللي أرضع البيبي أيلس ع المنتدى "حجه وحاجه ^^
خلااااص أنا منظمه عندي الوقت ،،من تصير الساعه 9 أبدأ الشغل
وألحين تبدأ المغامره
مثل ما خبرتكم عندي أطفال صغار 3 فالبيت ..
فــ اللي ترضع شوي معرقله عليه الشغل ،، ولكن مسيطره ع الوضع والحمدلله .. البيبي تكون راقده ،، وإذا ماكنت راقده إتكون على إيدي " لا تستغربون " قولو ماشاء الله .
وعيالي الصغار أخليهم جدام التلفزيون على قناة رسوم متحركه أي شيء ..
أول شيء أبدأ
أجمــــع الملابس كلـــــــــــها وع الغساله على طول ....وأشغلها "غسالتي أتوماتيك " .
أرجع آخذ لفه ع الغرف كلــــــــها وفالصاله وأبحث عن صحوووون أو كوبات أي شيء يتعلق للمطبخ عشان أخلصهم مره وحده ^^
وع المطبخ أوديهم .. ومن هناك أبدء
وألحين أبدأ بتحضير الغدأ ،، أممم يمكن تقولون وااااايد من وقت يعني" لسه بدري "،، أنا عن نفسي أتبع هالطريقة وخاصة إن واحد من عيالي يرجع من المدرسة بدري شوي .فأحب أبدأ بتحضير الغدأ
آخذ تقريبا ساعه فالمطبخ وإن كثرت ساعه ونص
بعدين بخبركم طريقتي .
خلصنا من المطبخ ،
أبدأ في تنظيف غرفة بناتي :09::
أغسل الحمام "وإنتو بكرامه "
غسيلي ع السريع
العده عباره عن :
صابون غسيل + ديتول + إسفنجه + ممسحه + بروش"مكنسه ")
طريقتي :
أنثر الصابون في كل مكان فالحمام وأبدأ أفرك أول شيء المغسله وبعدين المرحاض وآخر شيء الأرضيه أفركها بالمكنسه :
أشطف بالماي ،، وأرشش شويه من الديتول داخل المرحاض وفالمغسله وشوية ع الأرضيه
وفكرة الديتول أصب الديتول شويه داخل البخاخ وأعبيه بالماي
وخلااااص أمسح الأرضيه بالفوطه " تكون خاصة للحمام " ..
وفي طريقة ثانيه لتنظيف الحمام ،، أنا أسميه تنظيف ع السريع يعني ما ياخذ مني دقاااايق وهي طريقتي كالآتي :
أنظف ع السريع المغسله يكون أحيانا فيه بقايا معجون ^^ أو ألوان تعرفون العيااال ^^ ،،
والمرحاض أصب شوية من منظف المراحيض من فوق ومن جوانب ..
والأرضيه امسحها بالممسحه "تكون فيها السائل الخاص للأرضيات .
وبــــــــــــــس .
أما عن طريقتي للتنظيف العميق للحمام ، والله إتبعت أفكـــاركم ياحوائيات وماشاء الله في إخت ويانا إمنزله الطريقة .فاتبع طريقتها ،، وهالطريقة مره فالشهر .
وخلصنا الحمااااااااااام..
بعدني ما خلصت
