طريقتي في تعطير جسمي بعد الشاور

هلا بنات ... هذا أول موضوع لي ... و أعذروني إذا تأخرت في الردود لأن عندي ظروف تشغلني شوي ...
هذي طريقتي في ترطيب جسمي بعد الشاور:
1) بعد الشاور مباشرة حطي زيت جونسون و جسمك لسة رطب (ممكن تبشري مسك القرشي نص مكعب و تحطيه في قارورة زيت جونسون بس رجيها زين قبل الاستخدام
2) نشفي نفسك على خفيف بس و حطي لوشن بس انتبهي اللوشن ما يتنافى مع ريحة العطر ولا يطغي عليه
3) حطي في أماكن النبض ..( خلف الأذن و في الرقبة و الكوع و الرسغ و تحت الصدر و خلف الركب ) عطر دهني مثل عود أو مسك أو أي عطر يريحك بس انتبهي ما يكون قوي جدا و لا يتنافى مع ريحة عطرك
4) إن أمكن تبخري قبل ما تلبسي ملابسك و جسمك لسة رطب
5) البسي ملابسك و حاولي إذا أمكن تعطر ملابسك الداخلية بعطر خفيف و ناعم
6) حاولي بقدر الإمكان تلبسي قميص داخلي قطني خفيف حتى لو الجو صيف لأنه يساعد كثير على امتصاص العرق و أنت بكرامة و ما يخليه يتسرب أبدا لملابسك
7) البسي ملابسك و بخي عطرك الفرنسي و تبخري مباشرة بعده عشان تمسك الريحة زين
... فيه نقاط ثانية بعد:
1) أنا أخذ أطقم بودي شوب كاملة من مجامييعها مثل لوشن و شاور جل و بخاخ الجسم (بودي ميست ) و أستخدمها مع بعض تثبت الريحة
2) بعد ما يبرد مزيل العرق دايما أخذ مسك القرشي أو دهن عود و أحط منه دار مدار الإبط أي حوالين مزيل العرق
:27:كذا تثبت ريحة العطر عندي ... :27:


و دعواتكم لي ربي يوفقني و ييسر لي أموري :27: