طريقتي في تعطير ملابس بنتي

السلام عليكم يا حلوات
بنتي الله يحفظها عمرها سنة و نص, يعني ما يصلح احط لها عطور, بس احب لما نطلع مشوار او نزور حد تكون ريحتها حلوة
الشي يلي اسويه انا, صارلي سنة اسويه, هو اني اختار اللبس يلي بتلبسه ذاك اليوم.. و قبل ما نطلع بساعة تقريبا, اخذ ملابسها يلي بتلبسها و امسحها بيدي بشوي داوني او كومفرت تكون ريحتة حلوة.. بعد ما امسح الملابس اطبقهم و احطهم في كيس و اسكر الكيس, و اخليهم ساعة زمن عشان الريحة تثبت عبال ما اجهز نفسي.. بعدين قبل ما نطلع ألبسها و ماشاءالله تبارك الله ريحتها تجنن و كل من زرناه يعلق على ريحتها الحلوة بسم الله ماشاءالله