طريقتي في تعليم ابنائي قصص الانبياء والصحابه;;;

السلام عليكم ورحمه الله وبركاته ;;;;
خواتي شخباركم ****لله تكونوا بخير وبسعاده اليوم انا منزله موضوع اتمنى يكون مفيد للجميع
وهو طريقتي في تعليم اولادي
طبعا كلنا مهتمين في كيفيه تغذيت عقول اولادنا بالمعلومات الصحيحه والمفيده لهم في الدنيا والاخره خصوصا في هالزمن اللي الكل يعلم معاك البيت يعلم والمدرسه تعلم والشارع يعلم والتلفزيون يعلم والنت يعلم
بصراحه انا فيني وسواس من هالموضوع فسويت طريقه اكثر من رائعه والحمد لله نجحت معي وهي ...
بنتي الكبيره عمرها 8 والصغيره 7ومن سنه بديت من السبت للاربعاء نقراء قصه لاحد الانبياء وبدانا من ادم الى محمد صلى الله عليه وسلم كل يوم نقرا جزاء ونعيد فيه ونسال لين يفهمنه واليوم اللي بعده نكمل الى ان تكتمل والخميس اسوي اختبار واللي تجيب علامه اكبر احط لها نجمه وكل راس شهر اللي جايبه نجوم اكثر اعطيها جائزه عباره عن مبلغ مادي او اشتري لها لعبه على ذوقها اوكتاب تحبه وطبعا مش بناتي بروحهن انا سويتهما مع بنات وعيال خواتي وخواني وجزئتهم جزئين اللي فوق 8 سنوات اكتب الاساله وهم يجاوبون عليها واللي اقل احط اساله صح او خطا وكل وحده تدرس عيالها والله يابنات انها حماس وتنافس جميل الحين حنا خلصنا الانبياء ولله الحمد والله لايحرمني الاجر وبدئنا نراجع مره ثانيه وراح نبدا بامهات المؤمنين وبخديجه رضي الله عنها وبعدين بالصحابه
طبعا انا معوده عيالي بقصه قبل النوم ولازم تكون هادفه ولها مغزى تربوي عن الصلاه وتاركها او عن الكذب وعقاب الكذاب الحين بناتي حافظين الانبياء والله يابنات احساس جميل ودائم اقول لهم خل يكون لكم قدوه من الصحابيات عشان يكبرون وقلوبهم متعلقه فيهم جربوا هالطريقه والله ماراح تندموا لاتقولون عني فاضيه والله ان عندي اعيال صغار واحد سنه وواحد سنتين ونص بس هاذي تربيه وراح نسال عن كل حرف علمناه لعيالنا الله يرزقنا برهم اللي عجبها موضوعي ياليت ماتحرموني ردودكم الحلوه ;;;;;;;;;;;;;;