صباح / مساء الخير
حبيت انزل لكم طريقتي في تغذيه طفلي _ احيانا ودنا نغذيهم ونأكلهم ونخاف ليكونون جيعانين وفي اكثرنا مقصرين مع اطفالهم انا منهم ونعجز نروح نقطع لهم خضار اوفواكه اوسلطه :o يعني كل يوم اجلس اقطع ملل صراحه بس جاتني هذاك اليوم فكره ع طول نفذتها قبل اتكاسل وانساها وهي طريقه حلوه ومفيده ومختصره جدا وهي كالأتي
اولا: وصيت :arb: زوجي بـ اكياس بلاستيك صغار ومجموعه من الخضروات وهي ك الأتي كوسه وبطاطس وجزر وبازلاء مثلجه الطريقه قطعت 5 بطاطس الي مربعات و5 كوسه الي نصف دائره و5 جزر الي نص دائره وحطيتهم بالصحن واخذت كيس بازلا وفكيته وحطيته معاهم وغسلتهم ونضفتهم وحطيتها في المشخله شوي علشان تروح المويه وحطيتهم في الاكياس ع قد اللي ابغى اعطي طفلي منه يوميا وصار شكلها يجنن وعلى الفريزر والحين لبغيت ااكله اخذ كيس واحد واسلقها واحط معها زبادي واحيان لا بدون مو لازم يوميا زبادي معها وان شاءالله بتعجب طفلك
ثانيا: الفواكه نفس الطريقه الاولى بس كل نوع لحاله وصيت على تفاح وفراوله وخوخ وبرتقال وموز المهم خذي مثلا اربع تفاحات وفرغيها من البذور وقطعيها مربعات ووزعيها ع الاكياس بشكل يكفي كوب عصير لطفلك والفراوله والموز والخوخ نفس الشيء كل نوع في اكياسه ماتخلطينها مع بعض افضل علشان كل يوم تعطينه نوع وكل نوع غني بفيتاميناته وطبعا احطها بالفريز وبالنسبه للبرتقال انا اشوف انه مايحتاج تفريز لانه ماشاءالله يطول مايخرب فكل مابغيت اقشر له واعصر واعطيه اما الفواكه المفرزنه مثلا بالظهر تطلعين كيس واحد مثلا فراوله وتخلينها الين ماتذوب من التلج وفي العصر تحطينها في الخلاط او محظرة الطعام اسهل لانه تهرسها وتحطين معاها نصف فنجال اواكثر ماء دافي وتشربينه الطفل وبالهنا ع قلبه فديت الصغار كلهم
ثالثا: لاتنسين اللحوم غنيه بالبروتين يحتاجه طفلك مثلا سويتي عشا او غداء خذي قطعه من لحم الصدر وفتفتيها وحطي عليها شوي لبن مو زبادي لا لبن لان الاكثر يخربط يحسب قصدي زبادي لا لبن لانه الذ واخف مع الدجاج انا اسوي كيذا انتي حطي اللي تبين والارز كمان مايحتاج اشرح النقطه هاذي بس حبيت اضيفها رز مع خضار اومع زبادي او مع الدجاج المفتت بكيذا بترتاحين بينام طول الليل لانه شبعان وان شاءلله مراح يزعجك كل ساعتين:icon33:يبغى ديده او رضاعه ههه كلو زي بعضو
رابعا: عطي طفلك قطعه من الشوكلاته مره بالاسبوع تضيف له الفرح حتى لو صغير يميز الطعم وتشوفينه يدور مبسوط زي طفلي 9 شهور بسم الله عليه يفرح لذاق طعمها يعرفون ترى
وبليز لاتعطينه حلاوه مصاص مدري ليش اكرهها اخاف اعطيه ويطلع السوس قبل الاسنان :22: هههه من جد ابوه دايم يجيب وانا ارفعها منه وفي الليل اكلها لحالي :p بس اهم شي هو لا كلها سكر مضره .
وفي الاخير الله يعين كل ام لازم تهتم بالاطفال خصوصا :04: علشان بعدين ماتندم ع التقصير
واتمنى اي وحده يعجبها موضوعي او تطبق الفكره تدعيلي بالتوفيق ولطفلي بالصلاح والبر ولزوجي بالالتزام والله يوفق كل وحده فيكم ويرزقها بر ابنائها ارفعو الموضوع حتى لو مااعجبكم :mad: امزح واخيـــــــــــــــــــــــــــــــــــــرا استودعكم الله الذي لاتضيع ودائعه بحفــــــــــــــــــــــــــــــــــــــــــــــــــــظ الله وشكرا :04::cook::hahaha:
اشتقت لكـ ياخـــوي @ashtkt_lk_yakhoy
كبيرة محررات
يلزم عليك تسجيل الدخول أولًا لكتابة تعليق.
*غدا يوم آخر*
•
جزاك الله خير
ماشاء الله ماقصرتي ,, وبارك الله فيك
الله يحفظ لك ولدك ويرزقك باخوة له ويوفقك ويهدي زوجك ويصلحكم ...آمين
الله يحفظ لك ولدك ويرزقك باخوة له ويوفقك ويهدي زوجك ويصلحكم ...آمين
الصفحة الأخيرة