اخباركم ياحلوين بما انا دخلنا ليله الجمعه فاكثروا من الصلاه على النبي اللهم صلي وسلم وبارك على نبينا محمد
ولاتنسون سوره الكهف
ندخل في موضوعنا ياحلوين طبعا كلنا عارفين ان كل شي في النظافه يكمل بعضه يعني غسلتي السيراميك لازم تكنسين ...المكنسه شي ضروري ونستخدمها في اليوم كذا مره فلازم وضروري تكون نظيفه والاهم ريحتها تكون تفتح النفس للاسف وانا هنا ما اعم بعض الحريم من تشغل المكنسه تقولين داخلها بسه ميته الله لايبلانا
الحين نجي لتنظيف المكنسه اولا لازم نفصل الدينمو ونحطه على جنب وننظف كيس المكنسه من الغبار بس مو تنفضينه وترجعينه لالالا على غساله الملابس حطي صابون ومعطر الملابس واغسليه وخليه ينشف تماااااما
بعدها نجي لــ لي المكنسه افصليه واغسليه بلي المويه ونظفيه تمام واغسلي كمان حوض المكنسه الحديد ونشفيه
الحين خلصنا من التنظيف نجي للشي المهم وهو ريحة المكنسه واللي انا متاكده اذا سويتيها راح تدعين لي
اولا نجيب هالمزايين الثلاثه ضروري
بعدين تبشرين المسك وتحطينه بالحوض الحديد وتكونين رشيتيه بعد البشر باي عطر مركز وزيت فواحه مثل فراوله ورمان اوتوت بري من بودي شوب
ثم نرش نفس الكيس بالعطر والزيت من جوه وبرا
واقفلي مكنستك وكنسي وادعي لي
من اهم الاشياء اللي تعدم المكنسه شفط السوائل من عصير ومويه وغيره
والاكل الكثير مثل الرز وغيره اللي يكون بكميات مبالغ فيها
اذا اعجبكم موضوعي ادعولي هالشهر بالحمل وان يهب لي ربي توائم ذكور سليمين
ولكم حبي