الســلام عليكم
وش أخباركم تمام إن شالله
المهم الكل عارف الحين فترة الصيف يعني لازم مكيف بارد يعني الصحراوي يبدءا يدهر في بيوتنا يعني لازمه تنظيف اليوم أنا قررت اشغل مكيف المطبخ لأني معد أطيق نفسي بذا المطبخ الحار فقلت اشغله بس تذكرت اني مغسله البيت وهو الحين نظيف طبعاَ إذا فتحتي بيعدم المطبخ عليك والبيت بعد فبديت من براء اغلقةفيش الكهرباء وجبت صابون وكلوريكس ومكنسة وهوز المويه شغال وبديت حالت التنظيف المهم صار نظيف مررررررررة وغسلت بيبانه ونفضتها من التراب الجامد فيها الين صار يلمع بعدين حطيت العطر إلي أحبة الريف دور او أي عطر زيتي يعني من زهور الريف عطورهم مركزة المهم سكرت المكيف من براء ودخلت جوه البيت مخلصة القصة الكل يعرف إذا اشتغل المكيف وش بيدخل عليك من الهواء المحمل بتراب جلست افكر ثواني وقلت مافيه إلى إني أجيب كيس البلدية الكل يعرفه الأسود صبيت في داخلة مويه وبعدين فرغته المهم فتحت الكيس وخليت الفتحة حقه الكيس في وجه المكيف عشان ايش عشان إذا شغلتي المكيف يصير التراب الى يطلع من المكيف ينشب في الكيس المبلل في المويه وبكذا تريحين نفسك من تناثر التراب في مطبخك او في أي غرفة ثانية من المنزل وتحافظين على نظافة بيتك وإذا خلص الصيف جيبي الكيس البلدية وهو على شكله مستطيل بدون فتح المهم لزقية على وجه المكيف وحطي حوله التيب إلى هو الشطرطون وبعدها تشوفين الهواء البارد معد يدخل عليك في الشتاء ولا التراب وبكذا تتمتعين بنظافة بيتك
2) الطريقة الثانية هي انك تجيبين شرشف كبير مرة وتربصينه في مويه الين يربص مرة وتعصرينه وتمدينه قدام وجه المكيف ولازم يكون معك احد عشان يمسك طرف الشرشف من الجهة المواجهة لك وبعدها شغلي المكيف بتحصلين الهواء بيندفع بقوة لقدام وبيلصق في الشرشف المبلول بالماء وبكذا بيصير التراب الى في المكيف كله صار في الشرشف وبيكون بأذان الله بيتك نظيف.
هذي تجاربي مع المكيف الصحراوي ارجوا أنها تنفعكم
21 زائرة ولا احد سير على موضوعي معنه موضوع مهم في كل بيت